Jon 19:7 - Nobonob Baibel

⁷ Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.

Jon 19:7 Referans Kwoze

Lewitikas 24:16

Ao, aun laa nug Yawenu dabittak nai akku amu, ag nug qeppeg mauhaɗ! Israel dilag tamaniak oh ag nug menppa makkuɗkkulag. Nug Israel ted laate, iitta wan laihnu danab laatai, nug Yawenu dabittak nai akku dayeb amu, ag nug qeppeg mauhaɗ!

Jon 5:18

Amuppa Juda okkai ag Jesus qeppeg mauhkkununab oolag dayom. Aɗinu? Nug Sabat deɗnu ɗoib ii tippalom. Iitta! Nug, “Kayak Nug am da Mamelnab,” aum amunu, nai amuppa Nug Kayak ele, elele elele daattep ippuanattom.

Rom 1:4

Nug doa, ad emaitakppa mauhe, Kayak Ouɗi Nug nuhig ɠagattagppa he, Nug eɗua hibaittom, amu amuppa Kayak Ouɗi Nug he, Jesus Nug am Kayak Bekka miag atia malom; Nug am Jesus Kristus, ihinig Naɗi.

Mak 15:39

Jesus mauhe, ban daup 100 dilag ikki nug Jesus noobppa dayom, nug Jesus attem mauhom antta, nug aum. “Genab, danab imu Nug Kayak Bekka!” awa aum.

Duteronomi 18:20

Amge propet laa nug aɗi nai laa da nug madikkunu ii ami, amge nug dahilppanu nai awom bia ha, da onilppa mattieb amu, ag nug qeppeg mauhaɗ! Amu ag propet laala ele, ag kayak hambuppuak onilagppa nai madippeg amu, ag ele aqappeg mauheg!” awa aum.

Aisaia 53:4

Anam dayom, amge genab nug ihinig oɗe mawom. Ao, Nug ihinig oo doyak ele mawom. Nug anam heum, amge ig hambubuta, “Nug eheɗ heum amunu Kayak he, uug amu nuhigppa bette,” doomut. Ao, ig hambubuta, “Nug eheɗ he, Yawe Nug bu amu medatte,” amut. Ge, ig, “Nug eheɗ he, Kayak he, nug guittak amu dootte,” hambubuta dabmemut.

Jon 19:8

Ag anam aeg, Pailat doya, nug huanak baɗa,

Aposel 18:13

Ag Pol aon hettoɗiak abenppa gona, ag nuhigppa nai yaan, inam appig. “Danab imu nug danab ah oh ag ɗo nai daatte amu tabappeg neebeb, ag kobol laappa Kayak noobppa dup nona binag mekkulagnu ippunadtte,” aon appig.