Jon 19:42 - Nobonob Baibel

⁴² Juda dilag Pasowa Hobulnu bappaidkkulagnu deɗ aakku dayeye, ⌊deɗ amu uue, wagɗe buttua, deɗ amuam Sabat, amu Sabat deɗppa uɗat hemananu,⌋ amu men oɗe amu miag dayom amunu, aa appa Jesus gaɗa mepiɗ.

Jon 19:42 Referans Kwoze

Jon 19:31

Nug mauhom, deɗ amuam Juda ag ahilag Pasowanu Hobul bappaidkkulagnu deɗ aakku oqiom. Wagɗe deɗ amuppa Sabat deɗ okkai bekkunu dayom amunu, danab gaɗa Sabat amuppa ad emaitakppa aihattak ii niimnanu, Juda okkai ag Pailat nug heeb, daup ag gona, danab aihadppig ele baelag qiippeg mauhppeg, gaɗalag diiaknu Pailat oɗ medappig.

Jon 19:14

Deɗ amuam Pasowanu Hobul babaittaknu deɗ amu aam ameg 12 bia dayom. Anam dayeye, Pailat Juda amelagppa aum. “King ahilag iikku,” awa aum.

Jon 19:41

Amu dad laa, ag Jesus ad emaitakppa atulppig ele, aben amu guguittak, appa dayom. Dad amuppa men oɗe bau, anukka danab gaɗa amuppa laa ii meppig ele, amuppa dayom.

Aisaia 53:9

Nug nau hak danab oolagppa mauhom, amge danab enub ele boumtteb, amubia ag nug boumppig. Ag heeg, nug mauhom, amge nug laa dilagppa eheɗ laa ii heum, oɗeppa nai hambuppuak ele ii dayom.

Kolosi 2:12

Ag layattak aoppig, haen amuppa ag Kristus ele laippu ouqena daappig; ag Nug ele oh laippu moɗppa boumak daappig. Ele amu, ag layattak aoppig, haen amuppa ag ele Kayak Nug nuhig ɠagattagppa uɗat he, Jesus eɗua hibaittom oolagppa genab doyegeg, ag Kristus ele oh laippu eɗun hippaidppig daatteb.

1 Korint 15:4

Ag Nug men oɗeppa boumeg, amu deɗ ewamppa Kayak naippa nai daatte bia, Kayak he, Nug eɗua hibaittom.

Aposel 13:29

Haen ag keeke oh propet ag nuhigppa hekkulagnu yaappig hena malaeg, ag ad emaitakppanu aona, moɗ laappa boumppig.

Jon 19:20

Nug nai amu Hibru naippa, Laten naippa, Grik naippa ele yom. Aria, aben ag Jesus ad emaitakppa atulppig ele, amuam aab okkai guguittak amunu Juda danab kuɗum ag nai amu ebqeppig.

Matyu 12:40

Anukka propet Jona nug deɗ ewam, tuqan ewam ele kakai naɗi ooppa niiom, gemu haen imunu danab ah, amu dilag epponak keeke daakkulnu, anamib Danab Bekkalag da, da deɗ ewam, tuqan ewam ele da wan ooppa niikkul.

Sam 22:15

Hinai ooppa le qaɗaietta, le nakok laa iinab daatte bia, da oolppa ɠagattag iittanab. Am danab le iittanu mauhkkunu heehe, lemaɗu oɗe qataqette, amubia da mauhkkulnu male daami. Ge, na hee, da danab beɗu gai-iittanab dayaya, gappudppa niiaya, mauhkkunu hette bia, da mauhkkulnu hettem.