Jon 19:39 - Nobonob Baibel

³⁹ Nikodemus, danab amu nug anukka digmakppa Jesus tuqan gumitta ukkom ele amu, nug ele uɗiom. Nug spais aɗit, muttuɗilah ena ele kaboliateg, keeke amunu uug am 30 kilogram amu, nug amu awa uɗiom. Spais laa onig am Mir, laa onig am Alo.

Jon 19:39 Referans Kwoze

Jon 12:7

Judas nug anam a amu Jesus Nug aum. “Uue! Ah imu nug da boumiɗkkulagnu beɗul babaittom.

Mak 16:1

Aria, Sabat deɗ male, Maria, Makdala ted, Jems anig Maria amu Salome ele ag spais muttuɗig ena ele Jesus gaɗa bappaidkkulagnu daden meppig.

Matyu 19:30

Amge danab kuɗum anuqak daatteb amu, ag dim daaglag. Am kuɗum laa ag dim daatteb amu, ag anuqkkulag,” awa aum.

Matyu 12:20

Danab laa elele iitta, qaittobttob laa wak ele daatte bia, Nug heeb, nauha autanab ii aoma. Ao, danab laa elele iitta daatte, lam qauhkkunu hette bia, Nug heeb iitta ii mema. Nug uɗat heebeb ukkeb, nai doya mala hettoɗia epeɗia elele mettak kobol am elele medakku.

Solomonnu Ahi 4:6

Qauko mirppa hak, amuppa dayak am enanag. Ao, qauko nakok kalu danab ile, muttuɗig enanag bedeppa hak, amuppa dayak am enanag. Amubia amu, haɗaetta wagkkaɗkkunu haen ii bak, haen amuppa da paha goppi, na ele daagnih.

Prowerb 7:17

Niiak aben dahil muttuɗig enanag okkunu amu, da mir kalu muttuɗig enanag, alo kalu muttuɗig enanag, sinamon kalu muttuɗig enanag ele niiak aben dahilppa gokkaɗmi.

Sam 45:8

Keeke muttuɗig enanag, onig mir, alo, kasia ele, ag amu aon, lamen elab nahip laitteg, muttuɗig enanab otte. Na nahip launad enanagnab, appa amu, ag elepan aelkadppa keeke digdig hena, bala madappig. Na launad amuppa ahiettak danab ag ahi ettan autna aon heegeg, na doon, gaman ahatte.

2 Stori 16:14

Amu Asa nug ii mauhom haenppa nug he, danab ag nuhig boumak aben menppa hoippig. Men moɗ amuam Dawitnu Aab, aab amuppa dayom. Amu Asa nug mauhe, ag nug aguppa boumna, ag spais, keeke muttuɗig enanag laala ele kuɗumnab amuppa meeg dayeye, ag aab naɗi nug binag mekkulagnu ilappig.

Genesis 50:2

Anam ha mala amu, Josep nug Isipnu gaɗa babaittak danab ag nug waappa daappig, nug ag onilagppa e uɗieg, ag nug mameg Israel gaɗa aon, marasin meppeg, ii beɗamanu aum. Nug a, ag amu attem hekkulagnu deɗ 40 daanna hekkulag amunu, ag ahilag kobolppa deɗ 40 elele heppig. Amu Isip danab ag deɗ 70 Jakopnu oo doyak doonna daappig.

Solomonnu Ahi 1:13

Muttuɗig enanag dahilppa daakkunu, da tuqan keeke muttuɗig enanag onig mir lamen qattippa qakkak huhulaɗ dahil gamagppa mei, da ele ouqaknab anam daatte; amu laa da nuhignu ool mauhtte ele amu, nug ele anamib daatte.

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.

Jon 12:3

Ee lanana, Maria nug leppu muttuɗig enanag, uug nuhig 350 gram, nuhig daden okkai ele amu, nug amu awa, Jesus baeg gokkaɗ qettowa, ikki uɗugppa Nug baeg oppiom. Ag leppu amu bala laa onig nad, amuppaib heppig. Anam he, leppunu muttuɗig lag amu oh tona malom.