Jon 19:35 - Nobonob Baibel

³⁵ Ag ele oolagppa genab dooglagnu laa nug keeke imu oh amegppa anttom ele nug amunu mattiom. Nai nug mattiom am genab, amu nug dootte, nai amunu nug maditte am genab.

Jon 19:35 Referans Kwoze

Jon 21:24

Am ippunittak awak danab amuib nug keeke imu oh amegppa antta, nai amu maditte, nai imu ele iikku yom amunu, ig doottem, nai imu am genab.

Jon 15:27

Amu ag ele dahil nai mattinna oiglagoitte! Aɗinu? Ag digmakppanu da ele daaut uɗie, gemu ele daattem.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

Rom 15:4

Danab ag Kayak nai yaappig amu, ig nai amu ebqetata, ig ippunittak aognignu yaappig. Ig Kayak aɗi keeke ena megakkunu aumnu dabmak aɗat daagnignu, ig nai amu ebqetata, ig oo maɗoɗ ele dayak kobol anidta doot, ig Kayak tuɗidta dim lamidkkunignu oonigppa ɠagattag qak ele aottem.

Aposel 10:39

Pita nug anam ana, nug nai amu tuɗitta aum. “Amu Jesus Nug Juda wanppa, amu Jerusalem aab okkaippa ele, Nug aɗi oh heum amu, ig totol danab ig amunu aɗi heehe anttomnu mattiak danab daattem. Jerusalem appa amu, ag Nug ad emaitakppa atuleg mauhom,

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

1 Jon 5:13

Da ag Kayak Bekka, ag nuhignu oolagppa genab dootteb amu, da ag bauklel hanhannu aoppig daatteb genab dooglagnu, da ahilagnu nai imu yaattem.

Jon 19:26

Ag anam daaegeg, haen Jesus Nug anig amu ippunittak awak danab laa, Jesus Nug nuhignu oo huanak mauhttom ele, nug ele anata amu, Nug anig amegppa aum. “Anai, nid imuam na bekkat,” awa aum.

Jon 14:29

Keeke imu neeb, ag oolagppa genab dooglagnu amu, da keeke imu ii neumppa iikku da ag amelagppa ami.

Jon 11:42

Da doottem, na dahil unuqittak haen oh doottem, amge da danab ah daatteb imu dilag dabmein heina, nai imu na amenppa ami. Amuppa ag na da meiɗe uɗimi amu, ag oolagppa genab dooglag,” awa aum.

Jon 11:15

amge da nug ele appa ii daamuɗ amunu amu, da ool gamag ahatte. Aɗinu? Da ahilagnu dabmettem. Da dahil uɗat laa heppi, ag kobol amuppa ag dahilnu oolagppa genab dooglag. Ahappeg, ig gota anidtu!” awa aum.

3 Jon 1:12

Demitrius nug kobol ena hette amunu, danab oh ag nug binag metteb. Doyak diig genabib am ele nug onig hume, attan tette. Ig ele nug binag mettem, amu na doottem, ihinig nai am genab.