Jon 19:28 - Nobonob Baibel

²⁸ Keeke amu oh ba male amu Jesus doyom, uɗat nuhig oh aakku ha malak dayom amunu, Kayak naippa yaak laa daatte, amu elele medakkunu, Jesus aum. “Da le baal diitte,” awa aum.

Jon 19:28 Referans Kwoze

Sam 69:21

Kekeɗ dahil ag da ee ninig ele lakkulnu meɗappig. Ao, da baal qaɗaiette, ag da wain nau ninig ele lakkulnu meɗappig.

Sam 22:15

Hinai ooppa le qaɗaietta, le nakok laa iinab daatte bia, da oolppa ɠagattag iittanab. Am danab le iittanu mauhkkunu heehe, lemaɗu oɗe qataqette, amubia da mauhkkulnu male daami. Ge, na hee, da danab beɗu gai-iittanab dayaya, gappudppa niiaya, mauhkkunu hette bia, da mauhkkulnu hettem.

Jon 19:30

Ag Jesus wain ena iitta anam mettaeg lawowa, Nug aum. “Dahil uɗat aakku hein malami,” awa aum. Nug anam ana mala, Nug duug guɗa ne mauhom.

Luk 22:37

Aɗinu? Kayak naippa nai laa yaak daatte. Nai amuam inam. ‘Ag Nug danab nau ele laippu qagmaadkkulag.’ Nai amu daatte amunu, da ag amelagppa attem; keeke amu geha dahilppa bekkuoitte. Ao genab, nai oh Kayak naippa dahilnu daatte amu gemu meu okkunu tette,” awa aum.

Jon 19:24

amunu, daup danab ag appig. “Ig lamen imu iitai pattiɗmata. Ig om yaakppa heta, ig oonigppanu aun ig laa oh eɗikka amu, nug aokku” aon appig. Ag anam heeg amu Kayak naippa, nai laa daatte amu elele mettom. Nai amuam inam. “Ag lamen dahil otin, akka akka aotteb. Yo, ag om yaan, lamen dahil aotteb.” Daup danab ag anam heppig.

Luk 18:31

Amu Jesus Nug nuhikkud ippunittak awak danab 12 diia piɗe bia wana, amelagppa aum. “Doyeg, ig gemu iikku Jerusalem gottem. Kayaknu propet ag anukka Danab Bekkalag da, dahilnu Kayak aum oɗe madippig amu, nai amu gemu meu okku.

Jon 18:4

Jesus Nug keeke oh nuhigppa hekkulag amu oh doya malom amunu ag uɗieg, Nug guguatta wana oɗ mattom. “Ag aun maditteb?” awa aum.

Jon 13:1

Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.

Aposel 13:29

Haen ag keeke oh propet ag nuhigppa hekkulagnu yaappig hena malaeg, ag ad emaitakppanu aona, moɗ laappa boumppig.

Luk 9:31

aa tulai doeh, Nug ele nai madippig. Danab aɗit aa Kayaknu binag amahlak oppiaawak ele beeh, Jesus Nug Jerusalem appa Kayak uɗat mettom amu hewowa, wan imu uua gokku, ag amunu nai madippig.

Luk 12:50

amge uug laa da maokkulnunab daatte amunu, da gemu ukka batakppa oolppa uug nau doottem.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Jon 17:4

Uɗat na da meɗame amu, da hein malami, amuppa da wan imuppa na binan amahlak oppiaawak ele mettami.

Jon 19:36

Keeke amu oh am Kayak naippa, nai daatte amu genab elele mekkunu beum. Nai amunu laa am inam. “Ag Nug ebehi laippu laa ii qiimna.”