Jon 18:4 - Nobonob Baibel

⁴ Jesus Nug keeke oh nuhigppa hekkulag amu oh doya malom amunu ag uɗieg, Nug guguatta wana oɗ mattom. “Ag aun maditteb?” awa aum.

Jon 18:4 Referans Kwoze

Jon 13:1

Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.

Jon 18:7

Ag nena qeeg amu Jesus Nug baula oɗ mattom. “Ag aun maditteb?” awa aum. Anam a amu ag appig, “Jesus Nasaret ted,” aon appig.

Aposel 2:28

Na bau dayaknu ib da ippuniɗme. Na da ele daattep amunu, da maɗoɗppan gamag ahak okkainab doottem,’ awa yom.” Pita nug anam awa aum.

Sam 27:3

Ban hak danab laihnu ag da ele ban hekkunignu uɗin taliliɗkkulag dayeb amu, da ii baɗapa. Genab, dahil kekeɗ ag uɗin iuglagnu hekkulag dayeb amu, da Kayaknu oolppa genab doyeye, Nug ehaniɗkkunu oolppa genab dookkul.

Jon 19:28

Keeke amu oh ba male amu Jesus doyom, uɗat nuhig oh aakku ha malak dayom amunu, Kayak naippa yaak laa daatte, amu elele medakkunu, Jesus aum. “Da le baal diitte,” awa aum.

Jon 13:11

Jesus Nug laa Nug kekeɗ eppelagppa mekkunu am aun doyom amunu Nug, “Ag oh oppiaawak iitta,” awa aum.

Jon 6:64

Anam daatte, amge ag oolagppa laala ag oolagppa genab ii dootteb,” awa aum. Jesus Nug digmakppan aun aɗi ag oolagppa genab ii dooppig, amu danab aun nug Jesus kekeɗ eppelagppa mekku amu, Nug amu oh doyom.

Luk 24:44

Nug amelagppa aum. “Anukka da ag ele daatta, da ag amelagppa dahilnu nai oh Mosesnu ɗoppa, amu Kayaknu propet dilag yaakppa ele, nai amu oh bekkuoitte ami,” awa aum.

Matyu 26:31

Ag gona, Jesus Nug ag amelagppa aum. “Kayak naippa yaak laa niitte am inam. ‘Da sipsip gumak danab qeppi mauheb, sipsip ag oolna matatun gokkulag,’ amunu yaak amubia, gemu tuqan imu ag oh dahilnu uug doon, uuiɗna oolna gokkulag.

Matyu 26:21

Ag anam balalppa ee lanana, Jesus Nug aum. “Da genab ag amelagppa attem, ag oolagppanu laippu laa nug da kekeɗ eppelagppa meiɗkku,” awa aum.

Matyu 26:2

“Ag dootteb, deɗ aɗit uueb, Pasowanu Hobulnu ee lanaknu haen ana bekku amu ag Danab Bekkalag da kekeɗ eppelagppa meiɗna, ag ad emaitakppa atuliɗkkulag,” awa aum.

Matyu 16:21

Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Sam 3:6

Kekeɗ 10,000 eɗitta auta autanab awak ag da heqol laih laih ohppa taliliɗna daatteb amu, da amu dilagnu ii baɗattem.

Nehemaia 6:11

Semaia nug anam aum, amge da nug amegppa ami. “Danab da bia nug aha oolkku am enate? O laa nug da bia amu, nug laa ii qemanu, nug bau daakkunu nug oola, Kayaknu mettid lag, amuppa gokku am enate? Da appa ii gopa!” awe ami.

1 King 18:10

Am Yawe, nahip Kayak, Nug genab bau daatte, genab amubia King Ahap nug na eɗua anidkkunu oo huan daye, nug na wan atu ohppa na anidkkunu mattiak uɗat naɗi heum. Nug anam haaha, nug he, danab ag wanppan wan ohppa gona, na mattidppig. Amu aɗi wan laa, amuppa ag nahipnu, ‘Nug ippa ii daatte,’ aeg amu, Ahap nug he, ag genab na mattidna anidkkulagnu elele iitta, ag ahilag nai amu ɠagattag qena appig.

1 Pita 4:1

Aria, Kristus Nug danab beɗu awom, beɗu amuppa guittak naɗi awom amunu, ag ele Nug heum bia dabmak ɠagattag aweg! Aɗinu? Danab nug guittak beɗuppa awom amu, nug aakku hipunin tuɗitta hekkunu oo ii daatte.

Jon 18:5

Anam a amu Nug oɗeppa aon appig. “Jesus Nasaret ted,” aon appig. Aeg am Jesus ag amelagppa aum. “Da iikku,” awa aum. Judas, nug Jesus kekeɗ eppelagppa meum ele amu Nug ele oh hippaidna daappig.