Jon 18:20 - Nobonob Baibel

²⁰ Oɗ mette amu Jesus Nug oɗeppa awa inam aum. “Da Juda danab ah qagmettebppa, ag amelagppa miag atiakppa nai mattimi. Da nai doyak lag kuɗumppa, amu mettid lag ooppa ele ippunittak maadttami. Da lokkumakppa laa ii mehuqttami.

Jon 18:20 Referans Kwoze

Jon 7:26

amge Nug geha iikku nai oh miag atiakib mattieye, ag nuhignu nai laa ii maditteb. Laa ag gumaknu ehah ele ag Nug am Kristus oolagppa genab dooppigtai?

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Aisaia 48:16

Ag Israel danab ah, ag gukkuiɗnanab uɗin, dahil nai doyeg! Anukkanab digmak haenppanu uɗie, gemu ele da keeke bekkunu daatte amu, da lokkumakppa dayeye ii mattimi. Ao, keeke bekkunu daatte mattimi, haen amu uɗie, gemu ele da iikku daattem,” awa atte. Yawe Nug anam atte, amu gemu Naɗi Yawe, Nug nuhig Ouɗi da meɗa, Nug da meiɗe, ⌊nai imu madikkulnu⌋ uɗimi.

Luk 21:37

Deɗ oh Jesus Nug Kayaknu mettid lag ooppa ag nai ippuanattatta, tuqan amu Nug ukka, Olipnu qaukoppa dayom.

Jon 7:4

Danab laa nug danab laa oh nuhig uɗat anidkkulagnu oo daatte ele, nug lokkuma ii hette, amunu na epponak keeke danab hekkunu elele iitta hettem amu, na wanppan danab ah noolagppa miag atiak daanna he!” aon appig.

Luk 4:15

Hanhan Nug Juda dilag nai doyak lakka nai mehuqaqa, danab ah ippuanattette, danab ah oh ag Nug binag meppig.

Matyu 26:55

Aria, haen amuppa Jesus Nug danab ameg naɗi amu amelagppa aum. “Da nai tappe nak danab naute daattem amunu ag qep elab, daɗib ele aon, aɗailkkulagnu uɗippig? Haen da deɗ oh Kayaknu mettid lagnu haɗap-ppa danab ah ippunittak madattami, amge ag da ii aɗailppig.

Matyu 9:35

Aria, Jesus Nug ukka, aab nakok okkai ohppa, amu aab nakok ele ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh bappalattom.

Aisaia 45:19

Da aben lokkumak ele, da aguppa dayeye, nai ii mattimi. Wan amuppa gatatu daatte amu, da gatatu amu ooppa daye, nai ii mattimi. Da Jakop buɗub ag aben danab ah ii daattebppa da aniɗna dim lamiɗkkulagnu mattiɗkkulagnu ii ami. Da, Yawe, da genab madittem. Da kobol tutukku aakkuib ippunadttem,” Yawe Nug anam atte.

Jon 8:26

Da epeɗiak danab nug danab hettoɗiakppa epeɗitte, amubia da ag epeɗiadkkulnu nai kuɗum madikkulnu elele, amge laa Nug da meiɗe uɗimi ele, Nug genabib maditte, da nuhigppa nai aomi amu, da wanppan danab ah amelagppa amuib madittem,” awa aum.

Jon 8:2

Jesus Nug Olipnu Qaukoppa ukka dayeye, wakkaɗe buttuanab Nug eɗua uɗia, Kayaknu mettid lag ooppa no, danab ah kuɗum nug gumidna uɗieg, Nug heɗep na daya, nai ippuanattom.

Jon 7:28

Danab ah ag anam mattiegeg, Jesus Nug Kayaknu mettid lakka danab ah noolagppa hibaitta dayaya, baag okkaippa nai mattiaya aum. “Ag da dooiɗtteb, da appal diig ele dootteb, amge da dakka dahil dabmakppa ii uɗimi. Mame Nug da meiɗe uɗimi. Nuhig diig am genabib, amge ag Nug ii dootteb.

Jon 7:14

Ag anam mattiegeg, Jesus Nug hobul gamagppanab Kayaknu mettid lakka noa, danab ah amelagppa digma nai ippuanattom.

Matyu 26:65

Jesus anam a amu, mana mettak ikki danab nug lamen nuhig aɗa pattiɗa, nug aum. “Nug Kayaknu dabittak nai maditte! Ig aɗi heehe anttomnu mattiak danab laala danab imu eheɗ heumnu mattiglagnu ii mattimta. Iikku elele. Nug Kayaknu dabittak nai aum amu, ag aakku dooppig.

Aposel 26:26

Da king nug keeke imu oh dootte oolppa genab doottem amunu, da nug amegppa ii baɗeɗe, da nai imu madittem. Keeke imuam lokkumakppa ii beum amunu da doottem, nug keeke imu oh doyom,” awa aum.

Matyu 24:26

Amunu laa ag, ag amelagppa, ‘Nug atu taɗakppa daatte,’ aon amelagppa appeg am ag appa aib goppig. O ag, ‘Nug lag imu ooppa daatte,’ aon amelagppa appeg amu, ag oolagppa genab aib dooppig.

Sam 40:9

O Yawe, haen Israel dilag tamaniak ag qagmetteb ele, haen amuppa da genab tutukku hak kobolnu amelagppa mehuqe, miagib madittem. Da anamib heine daattem amu, na doottem, da mattiak amunu amu, da oɗel ii qamutpa.

Sam 22:22

Na anam heppe amu, da geha da lailad amelagppa nahipnu madikkul. Yo, nahipad danab ah noolagppa, da na binan humakkul.

Mak 8:32

Nug miag atiak a amu, Pita nug omala, piɗe wana, digma daug batete,

Jon 6:59

Jesus Nug Kaperneamnu nai doyak lakka appa danab ah ippuanattatta, nai amu mattiom.

Jon 18:21

Amunu aɗinu na da oɗ meɗattem? Na danab ag nai dahil dooppig ele, ag oɗ matte! Ag am dahil nai dooppig,” awa aum.