Jon 17:13 - Nobonob Baibel

¹³ Da gemu na gumitte gokkulnu daattem, amu dahilad danab ag maɗoɗppan gamag ahak dahil oh aoglagnu amu, da amunu wanppa dayeye, nai imu madittem.

Jon 17:13 Referans Kwoze

Hibru 12:2

Amu ig amenig ukkeb, Jesus, Nug am ooppa genab doyaknu diig daatte, Nug ooppa genab doyak ihinig elelenab medakku diig ele amu, ig Nug anidtu! Jesus Nug anukka maɗoɗppan gamag ahak geha dimppa anidkkunu dabmeum amunu, Nug ɠagattag dayaya, ad emaitakppa uug doyaya, guittak awa mauhom. Ad emaitakppa mauhaknu amu uɗa nak ele, amge Nug dimppa maɗoɗppan gamag ahak okkai aokkunu dabmaama, uɗa nak amunu dab-ii-meum; am keeke hamu bia doyom. Nug amu hewowa, Nug hab aabppa, Kayak eppeg naɗiap-ppa heɗep na dayom.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Jon 15:11

Da maɗoɗppan gamag ahak dahil ahilagppa daakkunu nai imu mattimi. Amuppa ahilag maɗoɗppan gamag ahak ag oolagppa ambaknab daakku.

Jon 3:29

Amunu amu da am nid baunu kadoi bia. Nid bau nug ah aotte amu, ah amuam nuhigib, amge kadoi nuhig nug layag ah aotte doya, maɗoɗppan gamag ahak dootte. Nid baunu kadoi nug maɗoɗppan gamag ahak amu dootte, amubia da Jesusnu oolppa maɗoɗppan gamag ahak okkainab doottem.

1 Jon 1:4

Ig nai imu ig oh ihinig maɗoɗppan gamag ahak ambak daakkunu yaattem.

Jon 13:3

Jesus Nug Mameg keeke oh Nug eppegppa meum doya, Nug Kayak toppanu uɗiom, Nug eɗua Kayak toppa gokkunu ele doyom

2 Jon 1:12

Da keeke kuɗum yen madakkul daatte, amge da uɗugppa yaakkulnu ool ii daatte. Iitta. Da ig oh maɗoɗppan gamag ahak ena aognignu ag gumatte ukke anatten, da ag ele oh nug iɗu anidtata, nai mattignignu dabmettem.

Rom 14:17

Aɗinu? Ee lanak amu le lanaknu kobol ele aa Kayaknu ɗo maɗoɗnu diig iitta. Kayaknu ɗo maɗoɗ diig am genab tutukku hak kobol, maɗoɗ kobol, amu maɗoɗppan gamag ahak kobol ele. Keeke amu oh am Kayak Ouɗi Nug he bette.

Jon 16:33

Da nai imu ag dahilppa maɗoɗ aon daaglagnu elele daaglagnu amelagppa ami. Wan imuppa amu ag uug anidkkulag, amge ag uug aib aqom! Aɗinu? Da wan imuppanu ɠagattag eɗidmi,” awa aum.

Sam 126:5

Danab ah ag uɗat huana henana, gayak ele dad ebatteb ele amu, ee meu awak haenppa, ag meu aona, gamag ahak okkainab doon, baalag okkaippa na binan mekkulag.

Sam 43:4

Na anam heppe amu, O Kayak, da nahip qaɗabppa wakkul. O Kayak, na maɗoɗppan gamag ahak da meɗan, oo enanagnab doyak ele da meɗattem. Nahip qaɗabppa amu, da harp qeinne, na binan medakkul. O Kayak, na dahil Kayak.

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

Aposel 13:52

Amu laa ag Jesusnu oolagppa genab dooppig amu, ag maɗoɗppan gamag ahak okkai dooppig. Kayak Ouɗi Nug ag oolagppa ele ambak dayom.

Jon 7:33

Uɗieg am Jesus Nug aum. “Da haen tutuib ag ele dayota, da eɗuen, laa Nug da meiɗe uɗimi ele amu, nuhigppa gokkul.

Jon 17:11

Gemu da wanppa tuɗitten ii daapa. Da na gumitte gottem, amge dahilad imu ag tuɗidna, wan imuppa ⌊danab ag oolagppa genab ii dootteb ele oolagppa⌋ daaglag. O Mame Oppiaawak Ele, da na ele laippu daattep, amubia ag laippu daaglagnu, na na oninppa, onin na da meɗame amu, na amuppa dabmadakkutnu ool daatte.