Jon 17:12 - Nobonob Baibel

¹² Na onin na da meɗame amu, da ag ele daamut haenppa da onin amuppa ag ⌊nena qemananu⌋ dabmattami. Da ahilag guppiɗ ele daami amunu, laa ii qettoɗom; laippu aakkuib, nug am ib appiɗittak danab, nug aakkuib Kayaknu ib apiɗitta qettoɗom amunu, Kayak nai meu oum.

Jon 17:12 Referans Kwoze

Jon 18:9

Nug nai amu aum amu Nug anukka nai laa aum, nai amu meu oum. Nai Nug anukka aum am inam. “Na da meɗame amu, laippu laa ii qettoɗom.”

Jon 13:18

Da madittem imu amu da ag oh ahilagnu ii attem. Da danab dahilad, da tituanadmi ele amu, da ag diilag doottem. Amge Kayak nai niitte amu genab meu bekku. Nai amu inam atte. ‘Am da layalnab, i oh ee lamuɗ ele, nug da kekeɗ meɗom.’

Jon 6:37

Amu danab ah aun Mame Nug da meɗatte ele, ag oh dahilppa dokkulag, am aun nug dahilppa dotte amu, da nug ii geɗidpa.

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.

2 Tesalonaika 2:3

Ag heppeg, laippu laa nug ib laalappa aib buppualattom. Deɗ amu tatam iinab uɗima. Tatam Kayak dimettak kobol okkai beeb amu, ɗo ii dim lamittak danab, danab amu nug padal mekku ele amu, nug ele miag atikku.

Hibru 2:13

Nug ele inam atte. “Da nuhignu oolppa genab dookkul.” Nug laa ele inam atte. “Aria da, amu nid naunau, Kayak Nug da meɗom ele amu, da ag ele ig oh iikku daattem,” awa atte.

Sam 41:9

Am da layalnab, da nuhignu oolppa genab doyen, ool mettami, i oh ee lamuɗ ele, nug da kekeɗ meɗom.

Jon 17:6

Mame, da wan imuppan danab ah oolagppanu danab na meɗame amu, da ag amelagppa na diitnu mehuqi dooppig. Ag am nahipad, na da meɗame, amu ag nahip nai dim lamidtteb.

Pilipai 2:9

Nug anam heum amunu, Kayak Nug Nug aben attannab, aben laa oh eɗattakppa ma, Nug Jesus onig okkai, laa oh tippalattak mettom.

Revelesen 19:12

Nug ameg amu aab dittiak bia, nug igippa king haɗ kuɗum daappig. Nuhigppa onig laa yaak daatte, amge auntai laa nug onig amunu meu ii dootte.