Jon 16:7 - Nobonob Baibel

⁷ Da genabnab genab ag amelagppa attem. Da hab aabppa gokkul am ena. Da ii goppi am ena iitta. Aɗinu? Da ii goppi amu Kayak Ouɗi, ahilag Ehanittak, Nug ii nema, amge da tein dayeye, da meppi, Nug ag gumatta nekku.

Jon 16:7 Referans Kwoze

Jon 14:26

Amge ahilag Ehanittak, Kayak Ouɗi, da Mamel Nug da onilppa meeb uɗikku amu, Nug uɗia, keeke oh ippuanatta, da ag amelagppa aɗi ami amu Nug heeb, ag daulagppa dokku.

Jon 15:26

Kayak Ouɗi, Nug onig laa Ehanittak, Nug am doyak diig genabibnu diig Kayak toppa daatte amu, da Nug geha meppi, ag ehanadkkunu ahilagppa uɗikku. Nug amu Mame nuhigppa dayaya uɗikku. Haen Nug uɗia amu, Nug nai dahilnu ag amelagppa mattieb dooglag.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

Aposel 2:33

Nug hab aabppa teum, Kayak eppeg naɗiap-ppa daatte. Mameg Kayak Nug nuhig Ouɗi, anukka medakkunu nai qakka aum bia amu, Nug mettom. Mette, Jesus Nug ig ele iikku gemu Kayak Ouɗi mekkom amunu, ag keeke imu gemu anidna dootteb.

Jon 7:39

Jesus Nug nai amuam Kayak Ouɗinu aum. Danab ag oolagppa genab dooglag ele, ag aoglag. Amge haen amuppa Jesus Nug Mame toppa ii ukkom amunu, Kayak Ouɗi, Nug danab oolagppa ii dayom.

Luk 24:49

Jesus Nug anam ana, Nug baula tuɗitta aum. “Doyeg! Da Mamel Nug keeke amu anukka ag madakkunu nai qakka aum amu, da meppi nekku, amge ag aab okkaippa daappeg, hab attannu ɠagattag amu ahilagppa neeb, ag uɗat digmekkulag,” awa aum.

Aposel 10:34

Kornilius nug nai mattia male amu, Pita nug inam awa aum. “Amu genabnab, gemu da doottem, Kayak Nug danab mamekkud aɗi am aun dabmaama, diig amunu Nug danab laa awa, laa geɗitta ii hette.

Jon 14:28

‘Da ag uuatte ukkoya, da eɗuen ag gumatte uɗikkul,’ ai dooppig. Ag genab dahilnu oolag mauhlolob, ag da Mame toppa gokkulnu amu, ag amunu oolag gamag ahalo. Aɗinu? Mame Nug am Naɗi, Nug da eɗilak.

Jon 14:3

Da ukken, ahilag aben babaittoya, ag da daakkulppa da ele daagnignu da eɗuen uɗien, omalatte gokkul.

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.

Luk 9:27

Jesus Nug anam ana, Nug nai baula tuɗitta aum. “Da genab ag amelagppa attem. Danab laala gemu ippa hippaidna daatteb ele, ag paha ii mauhmana. Iitta. Tatam ag Kayaknu ɗo maɗoɗ beeb anidna mauhkkulag,” awa aum.

Luk 4:25

Ag doyeg! Genab, Elaiyanu haenppa Israel oolagppa ah qab kuɗum daaegeg, haen amuppa maɗ ewam, kalam 6 ele gu ii ne, wan amu ohppa enug haen naɗi dayom,

2 Korint 4:17

Amu inam. Ihinigppa uug bette amuam nakokib; am haen tutu aakkuib daatte. Geha dimppa hab aabppa amu ig bau hanhan, ena dayak amu aognig. Hab aabppa bau ena dayak amuam ig beɗunignu uug nakok imu huanak eɗadtte.

Jon 16:8

Haen Nug uɗikku amu, Nug wan imuppan danab ah hipuninnu, genab tutukku hak kobolnu, amu epeɗiaknu ele ag ippunadkku.