Jon 16:28 - Nobonob Baibel

²⁸ Genab, da Mama toppanu uɗie, wanppa nemi daattem. Gemu am da wan imuppan ahe, eɗue Mama toppa gokkul,” awa aum.

Jon 16:28 Referans Kwoze

Jon 13:1

Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.

Jon 13:3

Jesus Nug Mameg keeke oh Nug eppegppa meum doya, Nug Kayak toppanu uɗiom, Nug eɗua Kayak toppa gokkunu ele doyom

Jon 8:14

Aon aeg am Jesus Nug aum. “Am genab, da dahil nai madittem, amge dahilnu nai amu genab. Aɗinu? Da adeppanu uɗimi amu, da doottem, amu da eɗue gokkulnu amu, da amu ele doottem. Amge ag da adeppanu uɗimi, adeppa eɗue gokkul amu, ag ii dootteb.

Jon 16:5

Gemu amu da laa, Nug meiɗe uɗimi ele, da Nug gumitte gottem. Amu ag oolagppa laippu laa nug da oɗ meɗa, ‘Na adeppa gottem,’ laa ii atte.

Jon 17:5

O Mame, anukka wan ii dayeye, da na ele daaɗɗa, da binal amahlak oppiaawak ele daaiyi uɗiom amu, gemu na binal amahlak oppiaawak ele amuib eɗun meɗakkutnu oɗ medattem.

Jon 16:16

Nakok laa ele ag da ii aniɗmana. Nakok laa ele dimppa amu ag da baula aniɗkkulag,” awa aum.

Jon 14:28

‘Da ag uuatte ukkoya, da eɗuen ag gumatte uɗikkul,’ ai dooppig. Ag genab dahilnu oolag mauhlolob, ag da Mame toppa gokkulnu amu, ag amunu oolag gamag ahalo. Aɗinu? Mame Nug am Naɗi, Nug da eɗilak.

Luk 24:51

Nug itattette, Kayak awe, Nug uuatta, hab aabppa ukkom.

Jon 17:13

Da gemu na gumitte gokkulnu daattem, amu dahilad danab ag maɗoɗppan gamag ahak dahil oh aoglagnu amu, da amunu wanppa dayeye, nai imu madittem.

Jon 17:11

Gemu da wanppa tuɗitten ii daapa. Da na gumitte gottem, amge dahilad imu ag tuɗidna, wan imuppa ⌊danab ag oolagppa genab ii dootteb ele oolagppa⌋ daaglag. O Mame Oppiaawak Ele, da na ele laippu daattep, amubia ag laippu daaglagnu, na na oninppa, onin na da meɗame amu, na amuppa dabmadakkutnu ool daatte.

Luk 9:51

Amu Jesus Nug eɗua Mameg toppa gokkunu haen miag do doyaya, Nug Jerusalem gokkunu dabmak ɠagattag awom.

Jon 8:42

Aeg am Jesus amelagppa aum. “Ag Mamelag genab Kayaklob, ag dahilnu oolag mauhlo. Aɗinu? Da Kayak ele daaɗa uɗimi. Da dahil maittakppa ii uɗimi. Iitta. Kayak Nug da meiɗe uɗimi.

Jon 16:10

Nug genab tutukku hak kobolnu ippuanatteb, ag dooglag, ag kobol ena hekkulagnu elele daaglag. Aɗinu? Da Mame toppa gottem; danab ah ag da baula ii aniɗmana.

Jon 16:30

Gemu amu ig doottem, na keeke oh doottem amunu, danab laa nug tatam na oɗ metteb, na dimppa nug nob medakkutnu iitta. Iitta. Na oɗmak amu matu doon malan, nob mekkutnu elele. Amuppa na Kayak toppanu uɗime amu, ig oonigppa genab doottem,” aon appig.