Jon 14:28 - Nobonob Baibel

²⁸ ‘Da ag uuatte ukkoya, da eɗuen ag gumatte uɗikkul,’ ai dooppig. Ag genab dahilnu oolag mauhlolob, ag da Mame toppa gokkulnu amu, ag amunu oolag gamag ahalo. Aɗinu? Mame Nug am Naɗi, Nug da eɗilak.

Jon 14:28 Referans Kwoze

Jon 14:18

Da ag nid laa, nug anig mameg ele mauhpiɗ, nukkanab daatte, da amubia ii uuadpa. Iitta. Da gumatte uɗikkul.

Jon 20:21

Ag anam doyeg amu, Jesus baula amelagppa aum. “Ag maɗoɗ ele dayeg! Mame Nug da meiɗe uɗimi, amubia da ele ag maatti gotteb,” awa aum.

Jon 20:17

Nug anam a amu, Jesus aum. “Na da aib aɗailme, da Mame toppa ii gomi. Amge na da oɗel aona, da lailad gumadna gona, amelagppa inam a! ‘Da, da Mamel, Nug am ag Mamelag ele, da dahil Kayak, Nug am ahilag Kayak ele, da Nug gumitte gottem,’ ” awa aum.

Jon 13:16

Da genabnab genab ag amelagppa attem. Maɗi nid nug okkai nuhig ii eɗidtte. Nai awa ukkak danab nug danab nug me gotte ele, nug nug ii eɗidtte.

1 Pita 1:8

Ag Nug ii anidppig, amge ag nuhignu oolag mauhtte. Ag gemu ele Nug ii anidtteb, amge ag nuhignu oolagppa genab dootteb. Ag anam doona, ag ooppa genab doyak ahilkadnu gogppa tak, amuam Kayak eɗua diiadtte, ag amu aotteb amu, ag amu doonna, ag maɗoɗppan gamag ahak binag amahlak oppiaawak ele, danab aun nug amunu elele anaknu elele iitta, ag amu dootteb.

1 Korint 11:3

Amge ag nai imu dooglagnu da ool daatte. Danab oh ikkilag am Kristus, ah ikki am danab, Kristus ikki am Kayak.

Jon 16:7

Da genabnab genab ag amelagppa attem. Da hab aabppa gokkul am ena. Da ii goppi am ena iitta. Aɗinu? Da ii goppi amu Kayak Ouɗi, ahilag Ehanittak, Nug ii nema, amge da tein dayeye, da meppi, Nug ag gumatta nekku.

Jon 14:12

Da genabnab genab ag amelagppa attem. Laa nug dahilnu ooppa genab dootte ele, nug uɗat da hettem imu, nug ele hekku. Nug uɗat da hettem ele amu, nug uɗat dahil amu eɗittak, okkainab ele hekku. Aɗinu? Da geha Mame toppa gokkul.

Jon 10:38

Amge da Mamenu uɗat hettem dayeb, ag amuppa dahil nainu oolagppa genab dooglagnu elele iitta dabmak aotteb dayeb, da uɗat laala, danab haknu elele iitta hettem amu, ag amu anidna, oolagppa genab doyeg! Amuppa ag doyak aona, Mame Nug dahilppa dayeye, da nuhigppa daattem amu tutukku dooglag,” awa aum.

Jon 5:18

Amuppa Juda okkai ag Jesus qeppeg mauhkkununab oolag dayom. Aɗinu? Nug Sabat deɗnu ɗoib ii tippalom. Iitta! Nug, “Kayak Nug am da Mamelnab,” aum amunu, nai amuppa Nug Kayak ele, elele elele daattep ippuanattom.

Matyu 12:18

Nai amuam inam. “Imuam dahil maɗi nid, da Nug tituanmi. Da nuhignu ool mauhtte, nuhignu ele enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Revelesen 1:11

Baag amu nug inam aum. “Na keeke oh anidna amu, na buk itoɗiakppa yona meppe, Kristen tamaniak eblaih aɗit ele onilag Epesus, Smerna, Pergamum, Taiataira, Sardis, Piladelpia amu Laodisia ele, ahilagppa ukkaɗ!” awa aum.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.

Sam 68:9

O Kayak, na gu huan hee neum. Ao, na hee, nahip wan, na aut, am eɗua, ena dayom.

Jon 7:33

Uɗieg am Jesus Nug aum. “Da haen tutuib ag ele dayota, da eɗuen, laa Nug da meiɗe uɗimi ele amu, nuhigppa gokkul.