Jon 14:1 - Nobonob Baibel

¹ Amu Jesus nai tuɗitta aum. “Ag oolag uug aib dayom. Ag Kayaknu oolagppa genab doona, ag dahilnu ele oolagppa genab doyeg!

Jon 14:1 Referans Kwoze

Aisaia 26:3

O Yawe, danab ah ag nahipnu dabmenan oin, dabmak amu ɠagattag aɗan oitteb ele amu, na hee, maɗoɗ enanagnab ag oolagppa daatte. Aɗinu? Ag nahipnu oolagppa genab dootteb.

Jon 12:44

Amu Jesus huanak ewa nai mattiaya aum. “Laa nug dahilnu ooppa genab dootte amu, nug dahilib ooppa genab ii dootte. Iitta. Aun nug da meiɗe uɗimi ele, nug nuhignu ele ooppa genab dootte.

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.

Sam 43:5

Aɗinu da oolppa elele iitta doottem? Ao, aɗinu da oolppa oo doyak okkai doottem? Da amu ii helom bia daatte amunu, da Kayaknuib dabmeinne, ena bekkulnu dabmak aɗe oikkul! Aɗinu? Da Nug eɗue, baula binag mekkul. Nug am dahil padal mepanu ehanittak daatte; Nug am dahil Kayak.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

Jon 13:19

Da imu ii beumppa iikku ag amelagppa attem amunu dimppa beeb amu, ag oolagppa genab dooglag, da am Kayak Bekka.

Epesus 1:15

Kayak Nug anam tituanikkom amunu, da ag Naɗi Jesusnu oolagppa genab dooppignu nai, ag Kayaknu danab ah oppiaawak ele oh dilagnu oolag mauhttenu nai ele doyoya,

Jon 12:27

Jesus Nug nai amu awona, Nug nai tuɗitta aum. “Da oolppa dabmak kuɗumnab aottem. Da, ‘Mame, na haen imunu mua nau imu heppe da ii anidpa,’ akkulte? Iitta! Da uɗat imu hekkulnu uɗimi,” awa aum.

2 Tesalonaika 2:2

Ag, “Naɗi uɗikkunu deɗ aakku malom,” nai amu dooppignu amu, laa nug, “Da propet nai mehuqiqi dootteb,” mattia, tuɗitta nai amu mattie ag nai amu dooppigtai, o iitta danab laa nug, “Kayak ippuniɗom ele amu da ippuanadttem,” mattia, tuɗitta nai amu mattie ag nai amu dooppigtai, o iitta laa nug, “Pol aɗi ag uɗug laa yaan meeg dahilppa uɗie, nai imu amuppa dayom,” mattia, tuɗitta nai amu mattie ag nai amu dooppigtai, amge nai amunu amu ag aib ottaippig, dabmak ele ootot aib dayom.

2 Korint 2:7

Amunu uug naunab danab amu tonamanu, ag bu mettak amu uuna, ag nuhig hipunin amu uhuqna mettan, ag oo mekkunu nug oo aweg!

Jon 11:33

Maria anam a amu Jesus Nug Maria gayeye antta, Juda ag Maria ele uɗippig amu, ag ele gaaegeg anattom. Anam anatta, Nug ele oo hik boppane, gaakkunu heum.

Jeremaia 8:18

O Ehanittak dahil, da uug doottem. Da ool am gai-iitta meum daatte.

Jon 16:3

Danab amu ag da Mama ele ii dooitppig gemu ele ii dooit-tteb amunu, ag anam hekkulag.

Sam 77:10

Da anam dabmein, da ami. “Da uug naunabppa nomi, amge ⌊da dabmak eheɗ tuɗitten aopanu,⌋ da Kayak Attannab Laa Oh Eɗattak, Nug keeke okkai okkai heumnu dabmekkul.

Jon 16:6

Da nai mattimi, diig amunu ag oolagppa oo doyak okkainab aotteb.

Jon 16:24

Uɗie uɗie, gemu batak ag keeke laanu da onilppa Nug oɗ ii medappig. Ag maɗoɗppan gamag ahak doonna daappeg, oolag mekkunu amu, ag Kayak keeke enanu unuqidppeg, Nug ag madakku.