Jon 13:9 - Nobonob Baibel

⁹ Anam a amu Saimon Pita aum. “Naɗi, anam dayeb amu, na da baelib aib ihame. Na eppel, ikkil ele oh ihe!” awa aum.

Jon 13:9 Referans Kwoze

Sam 51:7

Na dahil hipunin oh uhuqna meɗan heppe, da oppiaawak daakkulnu oɗ medattem. Ao, na heppe, da oppiaawak bein, lamen hakkab bia daakkulnu unuqidttem.

Sam 51:2

Na heppe, da oolppa aab iitta daakkunu oɗ medattem. Yo, na dahil hipunin uhuqna meɗan heppe, da oppiaawak bekkulnu unuqidttem.

1 Pita 3:21

Aria, ag gemu daatteb amu, ag am Noa aɗi, ag aɗi keeke ippunigtteb bia daatteb. Ag ele leppa ehanittak aotteb. Amuam layattak, amge layattak am beɗunigppanu dubuttid ihaknu keeke iitta. Iitta. Layattakppa ⌊ag oolag eɗueb,⌋ ahilkad ooppan oiyak ippunittaknu ulum am ag oolagppa eheɗ laa ii daatte ippunatte, ag amuppa Kayak oɗe genab dim lamidkkulagnu Nug amegppa ahilag nai ɠagattag qettan maditteb. Amunu diig am Jesus Kristus, Nug mauhakppanu eɗua hibaittom.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Sam 26:6

O Yawe, da kobol laa dubuttid ele hepanu, da dakka da awaitten oiyeye, da na noomppa dup noin binan mekkulnu da nahip qaɗab gukkuitten gottem.

Matyu 27:24

Aeg amu, Pailat nug doyom, nug heeb, ag Jesus ii mauhmanu ii amana. Iitta. Ele amu, nug qak bekkunu daye anttom amunu, nug le awa, danab ah oh amelagppa eppeg ihaaha nug aum. “Danab imu mauhkku amu, mauhak amunu aab am dahil iitta. Ag ahilag hipuninib daakku,” awa aum.

Jeremaia 4:14

O Jerusalem danab ah, Juda danab ah ele, ag oolag dubuttid ele amunu, ag padal ii memananu, ag ehanittak aoglagnu, ag dubuttid amu oppieg! Ag nau hekkulagnu dabmak aɗan daatteb; amu haen gane laa ele ukkeb, ag dabmak amu uuglag.

Jon 13:8

Awa a amu Pita aum. “Naɗi, na da bael iinab ihamna; gemu butti aɗi ele iinab ihamna,” awa aum. A am Jesus Nug aum. “Da na baen ii ihakkul dayeb amu, na dahil iitta,” awa aum.

Jon 13:10

Pita anam a amu Jesus Nug amegppa aum. “Laa nug le layom ele, nug beɗu dubuttid iitta amunu, nug baegib iheb, nug beɗu oh oppiaawak daakku. Ag am oppiaawak daatteb, amge ag ohnab oppiaawak iitta,” awa aum.