Jon 13:8 - Nobonob Baibel

⁸ Awa a amu Pita aum. “Naɗi, na da bael iinab ihamna; gemu butti aɗi ele iinab ihamna,” awa aum. A am Jesus Nug aum. “Da na baen ii ihakkul dayeb amu, na dahil iitta,” awa aum.

Jon 13:8 Referans Kwoze

Taitus 3:5

Nug ig eɗua awikkom. Ig ihinig genab tutukku hak kobol hemutnu laala anatta ii heum. Iitta. Nug ihinignu oo gai-iitta doya oo mekka ehanikkom amunu, Nug ig ihikka, nuhig Ouɗippa Nug bauklel mekke, ig bau menuak aomut.

Aposel 22:16

Aria, na aib hamu daame! Na ahan, layattak aon, na Jesus onigppa unuqidppeppe, Nug hipunin nahip uhuqa medakku.’ Ananias nug anam da amelppa aum.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Epesus 5:26

Ge, Kristus Nug tamaniak leppa amu Kayak naippa ele iheb, oppiaawak daakkunu,

1 Korint 6:11

Anukka ag oolagppa laala amubia oittappig, amge Kayak Nug he, hipunin ahilag iitta meum. Nug he, ag oppiaawak daatteb. Kayak Nug he, ag genab tutukku hak danab ah daatteb. Ihinig Kayak Nug amu oh Naɗi Jesus Kristus onigppa, amu nuhig Ouɗippa ele heum.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Revelesen 7:14

Oɗ meɗe, da nuhig oɗmak nob mein ami. “Naɗi, na doottem,” awe ami. Da ai amu, nug da amelppa aum. “Danab imu amu, ag eheɗ hattak okkainab, amuppa daappig, amge ag Kayak di-ii-medappig. Ag lamen elab ahilkad Sipsip Nag tiigppa ihalatteg hakkab ebappig

Kolosi 2:23

Genab, ɗo meu iitta kuɗum, amuam ag mettid haknu atteb, ag ig ikka ig oninig qepput nekkunu atteb amu, ag ig beɗunig ele guittak mettagnignu atteb amu, ag neekkak hamuppa amu ena bia daatteb, amge anamnab iitta. Ig doottem, danabnu dabmakppanu ɗo laa nug ig ehanikkeb, beɗunu oo alag kobol, beɗunigppa eeɗigtte amu, ig ɗo amuppa qepput nokkunu elele iitta.

Kolosi 2:18

Danab laa nug danab amelagppaib nug onig qe nette, amge ooppa nug nukka nuhignu, “Da am danab onil ele,” dootte, nug ele engel binalag mette amu, nug ag hambuppualatteb, ag nob ena Kayak madakkunu dabmette ele ii aomnanu ag danab amubia waappa aib daappig. Danab amubia amu nug tul niiakppa o ib attenppa aɗi keeke anttom ele amu, nug amunu nai kuɗum mattiaya, nuhig dabmak, Kayak Ouɗi Nug dabmak nuhig ii gumatte ele amu, nuhig dabmak amu he, danab amu nug nukka nuhignu am binag okkai ele dootte.

Jon 3:5

Nikodemus anam a amu, Jesus oɗeppa awa aum. “Genabnab genab da na amenppa attem. Danab nug leppa, amu Kayak Ouɗippa ele menuak ii aokku amu, nug Kayaknu ɗo maɗoɗ ooppa nokkunu elele iitta.

Matyu 26:33

Amge Pita nug oɗeppa awa aum. “Danab laa oh ag nahipnu uug doon, uuidna oolna gokkulagtai, amge da am anam ii hepa,” awa aum.

Matyu 21:29

‘Da uumi, da ii gopa,’ awa aum, amge dimppa nug nuhig dabmak eɗue, nug ukkom.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Aisaia 4:4

⌊Danab laa ag Israel danab dilagnu, “Ag am Yawenu, oppiaawak ele,” akkulagnu diig am,⌋ Naɗi Nug nuhig ɠagattagppa Nug danab ah amu epeɗiatta, bappalatteb, ag Naɗinu, oppiaawak ele bena daan oiglag. Ib amuppa Naɗi Nug Sion ah oolagnu dubuttid, oolagppa aɗak daatte amu, Nug amu oh iha, oppieb ukkeb, Nug Jerusalem danab ag laa aqaeg mauhppig, ag beɗulagppa aab ele, Nug aab amu oh iha, oppieb gokku.

Matyu 26:35

Am Pita nug aum. “Iitta! Da na ele mauhkkunih dayeb amu, da amunu uug ii doottem, amge da nahipnu, ‘Da Nug ii doottem,’ ii apa! Iittanab iitta,” awa aum. Nug anam a amu, ippunittak awak danab laa oh ele ag anam appig.

Matyu 16:22

Jesus Nug amunu a amu, Pita nug Jesus omala, piɗe wana, digma daug bata, amegppa aum. “Naɗi, na nahip-ppa keeke amu iinab bema, iittanab!” awa aum.

Genesis 42:38

Ruben anam a amu, Jakop nug aum. “Benyamin ag ele ii gomana. Aɗinu? Nug awag mauhom, nukkaib daatte. Ag nug aon goppeg, oiyak ahilagppa padal meeb amu, da ool naɗi guittebeb, mauhkkul,” awa aum.

Jon 13:6

Am Nug baelag leppa ihaaha ukka ukka, Saimon Pita gumitta wa, Pita nug Jesus oɗ mettom. “Naɗi, na da bael ihakkutnute hettem?” awa aum.

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

2 Samuel 20:1

Amu danab laa onig Seba, nug Benyamin ted, Bikri bekka, nug appa dayom. Nug hanhan he, uug digdig bettom, amu nug appa dayaya, Juda dilag nai doya, nug trampet iwalala eum. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. O ag Israel danab laa, da ag ele ig oh ahat, ig appanig diigppa gotu,” awa aum.

1 King 12:16

Aria, Rehoboam nug anam a, Israel danab ah oh, ⌊amuam Israel dilag huu okkai laa oh, Juda, Benyamin aakkuib iitta⌋, ag aakku dooppig, king bau amu nug nai ahilag dookkunu uuom. Ag anam dooppig amunu, ag king amegppa inam appig. “Ig Israel laa oh, ig Dawit ele laippu iitta. Ao, ig Jesi bekka Dawit, ig nug buɗub iitta. Anam amunu, ig Israel danab, ig oh eɗut, aabppa gotu. Ao, Dawit bekkod ag akka nug gumanna dayeg!” Israel ag anam anana, ag oh qatin, appalagppa ukkadppig.

Sam 51:2

Na heppe, da oolppa aab iitta daakkunu oɗ medattem. Yo, na dahil hipunin uhuqna meɗan heppe, da oppiaawak bekkulnu unuqidttem.

Sam 51:7

Na dahil hipunin oh uhuqna meɗan heppe, da oppiaawak daakkulnu oɗ medattem. Ao, na heppe, da oppiaawak bein, lamen hakkab bia daakkulnu unuqidttem.

Jon 13:9

Anam a amu Saimon Pita aum. “Naɗi, anam dayeb amu, na da baelib aib ihame. Na eppel, ikkil ele oh ihe!” awa aum.