Jon 13:19 - Nobonob Baibel

¹⁹ Da imu ii beumppa iikku ag amelagppa attem amunu dimppa beeb amu, ag oolagppa genab dooglag, da am Kayak Bekka.

Jon 13:19 Referans Kwoze

Jon 14:29

Keeke imu neeb, ag oolagppa genab dooglagnu amu, da keeke imu ii neumppa iikku da ag amelagppa ami.

Aisaia 43:10

Amu Yawe Nug ele atte. “Ag Juda danab ah, ag am da aɗi aɗi hei anidppig amu, ag laa amelagppa amunu mattiglagnu danab ah dahilad daatteb. Laa ele amu, ag am dahil maɗi nid daatteb. Da ag dahil maɗi nid daaglagnu tituanadmi. Ag da dooiɗkkulagnu, ag dahilnu oolagppa genab dooglagnu, ag da am Yawe, ag amunu diignu doyak tutukku aɗaglagnu ele da anam tituanadmi. Da haen oh daami. Kayak laa dayeye, dimppa da ii uɗimi. Iitta! Da haen oh daami. Da malappi, kayak laa ii daama. Iitta! Da haen oh daakkul. Da dakka, da Yawe daattem.

Jon 16:4

Da nai imu mattiminu diig am haen amu beebeb, da dabmak awaknu nai imu mattami amu, ag daulagppa dokku. Digmakppa da ag ele daamut amunu, da nai imu ag amelagppa ii ami; gemuib madittem.

Aisaia 48:5

Anam amunu, da keeke imu bekkunu anukkanab ai dooppig. Ao, keeke imu ag ii beppig haenppa da ai dooppig. Da amu heminu diig am, da anam ii helom, ag, ‘Dahil kayak dottog, nug he beum,’ alob. Ao, da anam ii helom amu, ag, ‘Dahil kayak dottog adppa hoiyak, laa aenppa ele hak amu, aa anam bekkunu aeh, aakku beppig,’ alob.

Jon 8:58

Anam aeg, Jesus ag oɗelagppa awa aum. “Da genabnab genab ag amelagppa attem. Abraham ii dayom haenppa da daami, gemu daattem, butti aɗi daakkul,” awa aum.

Matyu 24:25

Doyeg! Keeke amu ii neumppa, da ag dabmekkulagnu nai iikku ag amelagppa ain malami.

Matyu 11:3

Goya Jesus oɗ medapiɗ. “Danab laa uɗikkunu aeg doomut am na aakkute, o iitta ig laate ameg mekkunig?” aoya apiɗ.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Jon 1:15

Amu Jon nug nuhignu nai mehuqaqa ewa aum. “Da anukka nuhignu mattimi am Nug aakku. Da ami. ‘Nug da dimulppa uɗitte, Nug da eɗilak. Aɗinu? Nug anukkanab, da ii daami haenppa, Nug dayom,’ ” awa aum.

Luk 21:13

Ag hettoɗiadppeg, haen amuppa ag dahilnu ag amelagppa mehuqkkulagnu elele daanna hekkulagnu ib daakku,” awa aum.

Aisaia 41:23

Ge, ig ag genab kayak daatteb doognignu, ag butti aɗi, aɗi keeke bekkunu daatte amu, ag appeg dootu! Ag hamu aib daappig. ⌊Ag genab kayak daatteb dayeb amu,⌋ ig baɗadta hahaɗkkunignu, ag keeke okkai naɗi ena, o keeke okkai naɗi nau laa heppeg anidtu!

Jon 4:26

Ah nug anam mattie amu, Jesus amegppa aum. “Da, na ele nai madittep imu amu, daib am Nug aakku,” awa aum.

Jon 8:28

Amunu Jesus Nug ag amelagppa aum. “Dimppa ag Danab Bekkalag da ad emaitakppa atuliɗona amu, ag da am Kayak Bekka dooglag. Amu ele, da dahil dabmakppa keeke ii hettem. Iitta. Mame Nug da ippuniɗom amu, da amunuib madittem, ag amu ele dooglag.