Jon 12:50 - Nobonob Baibel

⁵⁰ Am da doottem, Mamenu haknunab anak am bauklel hanhannu nai amunu, da nai amu madittem ele, Mame Nug da amelppa aum, amuib da madittem,” awa aum.

Jon 12:50 Referans Kwoze

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Jon 6:68

Jesus anam a amu, Saimon Pita nug aum. “Naɗi, ig aun toppa gokkunig? Nai nahip aakkuib bauklel hanhannu megatte.

Jon 6:63

Ag doyeg! Kayak Ouɗi nukka, Nug danab bauklel medatte; danabnu ɠagattag am elele iitta. Am nai da ag mattami imuam Ouɗi, am bauklel ele.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

1 Jon 2:25

⌊Ig anam daagnig amu,⌋ ig bauklel hanhannu aognig; Kristus Nug nai amu qakka aum.

1 Timoti 1:16

Amge diig imunu Kayak Nug dahilnu oo gai-iitta doya oo meɗa ehaniɗom. Da am hipunin hak danab laa oh eɗattak amunu, Kristus Jesus Nug nuhig dagom kobol oppiaawak ele dahilppa heeb, miag atieb, danab ah ag amu anidna, ag oolag maitteb, ag ele nuhignu oolagppa genab doona, ag bauklel hanhannu aoglagnu dooglag.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Duteronomi 18:18

amunu da nai ag amelagppa akkulnu amu, da geha danab laa ag oolagppanu na bia epeɗidkkul. Da geha dahil nai propet amu medappi, nug ag amelagppa nai oh da nug madakkununab appi amu, nug tutukku ab dooglag.

Jon 5:19

Juda okkai ag amunu eheɗ dooppig amunu, Jesus Nug amelagppa inam aum. “Genabnab genab, da ag amelagppa attem. Kayak Bekka da, dahil dabmakppa keeke laa ii hettem. Iitta. Da Mamel he anidmi amu, da ele anamib hettem. Keeke oh Mama hette amu, Nug Bekka da, da ele hettem.

Jon 8:28

Amunu Jesus Nug ag amelagppa aum. “Dimppa ag Danab Bekkalag da ad emaitakppa atuliɗona amu, ag da am Kayak Bekka dooglag. Amu ele, da dahil dabmakppa keeke ii hettem. Iitta. Mame Nug da ippuniɗom amu, da amunuib madittem, ag amu ele dooglag.