Jon 12:48 - Nobonob Baibel48 Laa nug da dimeɗa, dahil nai ii aokku amu, nuhig epeɗiak nug aokkunu appa ana daatte. Nai da nug dookkunu mattimi ele amu, nai amu geha gog tak haenppa nug hettoɗiakppa epeɗikku. Gade chapit la |
Amunu ag dabmeig! Ag aib daulag itun, Kayak nai maditte qeppeg neum. Anukka wan imuppa Sinai appa amu, Kayak Nug nai ɠagattag danab amelagppa aum, amge ag nuhig nai tappaeg neum. Ag tappaeg neum amunu, ag ahilag hipuninnu nob nau qe-eɗidna gokkulagnu elele iitta daappig. Gemu Kayak Nug hab aabppa dayaya, nai ɠagattag ig megatte amunu, ig Nug dimettata, ig oolta hipunin ihinignu nob nau qe-eɗidkkunignu elelete? Iittanab!
Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.
Aeg amu, Jesus Nug amelagppa aum. “Ag Kayak naippa nai laa daatte amu, ag iite ebqeppig? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte. Naɗi Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aottem.’
Amge gemu ag Kayak ahilag, Nug aɗi uug nau, aɗi keeke ninig ele ahilagppa bette amu, Nug amuppa ehanatte, ag ena daatteb, ag Nug dimettan, Nug amegppa, ‘Na king laa mekke!’ aon atteb. Ag anam atteb amunu, Kayak Nug ahilag king am aun ippunadkkunu ag oh Israel dilag huu okkai 12 anen anenppa, amu huu amu anen anen oolagppa aab ikki anen anenppa ele, ag uɗin, Yawe gumidna wana dayeg!” awa aum.
Aria, haen amuppa Jesus, Nug am Danab Bekkalag, Nug digma, Nug ib laa iitta, Nug guittak kuɗum dookku, Juda dilag ikki danab, mana mettak danab okkai amu ɗo mehuqak danab ele ag geɗidna, ag ⌊heppeg, laa ag⌋ qeppeg mauhkku, deɗ ewam uueb Kayak heeb, Nug eɗua hippaidkku, Nug nuhikkud ippunittak awak danab amelagppa aum.
Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.
Kayak nai am bauklel, uɗat haaha daatte. Nug am qep laa aeg laih laih ele, uɗat nuhig enanag hette amu, Kayak nai nug uɗat nuhigppa qep amubia eɗidtte. Nug keeke qataiettaknab daattep am okkula aokkunu elele. Danab nug dabmakppa aɗi dabmette, nug ooppa aɗi dootte amu, Kayak nai keeke amu oh epeɗiadtte.