Jon 12:46 - Nobonob Baibel

⁴⁶ Amu laa nug dahilnu ooppa genab dootte, nug gatatuppa daamanu da amahlak awen, wan imuppa uɗimi.

Jon 12:46 Referans Kwoze

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.

Sam 36:9

Aɗinu? Na aakkuib am bau dayaknu diig. Na aakkuib hee, danab ah ag bau daaglagnu keeke aon, bau daatteb.

Jon 9:5

Da wan imuppa dayeye, da wanppan danab ah amahlak madattem,” awa aum.

Jon 3:19

Nob nau awaknu hettoɗiak diig am iikku. Amahlak wanppa uɗiom, amge danab ag wanppanu gatatu, ag amunu oolag mauhom; ag amahlaknu oolag ii mauhom. Aɗinu? Ahilag kobol am nau.

Jon 1:9

⌊Amahlak amuam Jesus Kristus,⌋ amu amahlak nuhig am amahlak genab. Nug wanppan danab ah oh amahlak madatte.

Matyu 4:16

Danab ah ag gatatu naɗi ooppa daan oippig amu ag amahlak okkai anidppig! Ao, danab ah ag gatatu abenppa daan oippig amu, amahlak ahilagppa amahalom!”

Epesus 5:14

Aɗinu? Amahlak am he, keeke oh miag atiak bena daatteb. Diig amunu nai imu Kayak naippa niitte. “Na niittem ele amu, na ahe! Na mauhakppanu eɗun hippaidppe, Kristus na amahlak medakku.”

Luk 2:32

Nug iitta aɗi ag nahip ib anidkkulagnu, Nug Israel ag binag amahlak oppiaawak ele aoglagnu amahlak daatte,” awa aum.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Aisaia 42:15

⌊Da ag anam ehanadkkulnu hein, danab layag ehanidkkunu keeke kuɗum he nauhakib daatte, amubia⌋ da qauko okkai, amu qauko nakok ele hadappi, ag nauhaknab bena daaglag. Da heppi, ad keeke, ag qaukoppa daatteb amu, ag qaɗaiettaglag. Amu ele da heppi, le, amu le ameg ele ag qaɗaiettaglag.

Jon 9:39

Danab nug anam he, Jesus aum. “Da amelag gaɗuak ag eɗun neegkkulagnu, amelag ena ele ag eɗun amelag gaɗuak daaglagnu, da wan imuppa epeɗiak hekkulnu uɗimi,” awa aum.

Aisaia 40:1

Ag ahilag Kayak, Nug atte. “Ag dahilad danab ah oo mak matteg! Ao, ag ɠagattag qatteg!