Biblia Todo Logo
Bib sou entènèt

- Piblisite -




Jon 12:42 - Nobonob Baibel

42 Aisaia anam antta yom amubia ikki danab kuɗumnab ag oolagppa genab ii dooppig, amge laala kuɗum, ag oolagppa genab dooppig. Ag oolagppa genab dooppig, amge ag ɗo gumak danab-Parasia, amu dilag baɗappig. Ag ag lamadppeg, nai doyak lag dimittim daamnanu baɗana, oolagppa genab doyak amu miag ii atippig.

Gade chapit la Kopi




Jon 12:42
25 Referans Kwoze  

Ag danab ah dahilad, ag kobol tutukku dootteb, ag dahil ɗo ag oolagppa daatte amu, ag dahil nai doyeg! Ag danab dilag nai haknu aib baɗappig. Ao, ag awa awa qettak nai naunab ahilagnu atteb amu, ag amunu baɗak eheɗ nau aib dooppig.


Anig mameg ele aa Juda okkai dilag baɗapiɗ amunu aa anam apiɗ. Juda okkai ag tatam nai inam qagappig. “Danab laippu laa nug Jesus am Kristus akku amu, ig nug lamidpput, Juda dilag nai doyak lag uua, Kayak binag maknu elele iitta dimittim daakku,” appig amunu, aa baɗapiɗ.


Anam akka akka madippig amge, ag Juda okkai dilag baɗappig amunu, laippu laa nug ag noolagppa nai miag atiak laa ii mattiom.


Danab dilagnu baɗittak am pelem bia daatte; amge aun nug Yawenu ooppa genab dootte, nug eleleib daakku.


Danab laa nug dahilnu daatte danab ah amelagppa akku dayeb amu, geha da, da ele danab amunu, ‘Nug dahilnu daatte,’ hab aabppa da Mamel amegppa akkul.


Laa nug Jesus am Kayak Bekka anana maditte ele, Kayak Nug danab amu nuhigppa daatte, amu danab amu nug ele Kayak nuhigppa daatte.


Amunu aun nug Kayak Ouɗi awom daatte ag amunu tutukku dooglagnu ib am iikku. Danab nug Jesus Kristusnu, “Nug uɗia danab beɗu awom,” nai amu maditte ele amu, ag nuhignu, nug am Kayaknu danab dooglag.


Amunu diig am, danab nug nuhig oo unuqagppa ⌊Jesusnu⌋ ooppa genab dootte, amuppa ⌊Kayak he,⌋ nug genab tutukku hak danab daatte. Ge, danab nug oɗeppa nuhig ooppa genab doyaknu maditte, amu ooppa genab doyak amuppa Kayak Nug danab amu eɗua aotte.


Ag anam heeg, totol danab 12 ag Juda dilag hettoɗiak okkai onig Sanhidren, amuppanu dimittim gona, ag maɗoɗppan gamag ahak doona, inam dabmeppig. “Kayak nug ig Jesus onignu uɗa nak, guittak ele aognignu elele anikkom amu, amuam ena.” Ag anam dabmeppig.


Keeke imu oh dimppa amu Josep, Arimatea ted, nug Juda okkai dilag baɗa, lokkumakppaib Jesusnu ippunittak awak danab oittom ele amu nug ukka, Jesus gaɗa aokkunu Pailat oɗ mettom. Oɗ mette, Pailat nug, “Ena,” awa a amu, Josep ukka Jesus gaɗa awom.


Danab ag Juda dilag nai doyak lag ooppanu lamadkkulag. Ge, dimppa haen beeb, ag ag aqappeg mauhppeppeg, ‘Ig Kayaknu uɗat ena hettem,’ aon akkulag.


Jesus danab mauhak maɗette amu, Juda kuɗum Maria anidkkulagnu uɗippig ele ag Jesus uɗat amu he anidna, ag nuhignu oolagppa genab dooppig.


Nug anam a amu, ag amegppa appig. “Na anin nug menuittette, na hipunin danab daan autna aome amunu, aɗinu na ig ippunigkkutnu hettem?” aon appig. Ag anam ana, lamitteg dimittim ukkom.


danab amu nug tuqan Jesus gumitta uɗia, Nug amegppa aum. “Ippunittak danab, ig doottem, na am ippunittak danab Kayak toppanu uɗime. Aɗinu? Kayak Nug danab laa ii ehanitteb amu, nug Kayak dabmettaknu kobol danab haknu elele iitta, na hettem ele amu, nug hekkunu elele iitta,” awa aum.


Am da ag amelagppa attem. Danab laa nug dahilnu daatte danab ah amelagppa akku dayeb amu, geha Danab Bekkalag da, da ele danab amunu, ‘Nug dahilnu daatte,’ Kayaknu engel amelagppa akkul.


Ag Danab Bekkalag da, ag da dim lamiɗtteb ele amu, ag da dim lamiɗtteb amunu, haen danab ag amu dabmetteb, ag ahilagnu oolagppa nau ninig ele doon, ag geɗadna, nai nau ahilagnu anana, ag am danab nau ele atteb amu, ag dahilad amu ag itittak ena aoppig daatteb.


Ag laa, ag Yawenu nai doon, ag tippalmananu baɗatteb ele, ag nuhig nai imu doyeg! “Ag lailkad ag ahilagnu nau ninig ele dootteb amu, ag da onilnu geɗadna, inam aon aon aqan, deɗ laala appig. ‘Yawe Nug heeb, ig nuhig ɠagattag anidtu! Nug anam heeb, ag oolag gamag aheb anidtu!’ Ag anam deɗ laala appig, amge da heppi, ag uɗalag nekku.” Yawe Nug anam atte.


Amu ag auntai laa eheɗ baɗidppig amunu, ag da dimeɗan, dahilnu daulag atie, ag dahilnu dabmak ele ii aoppig? Ag eheɗ heegeg, haen elabnab uɗie, da bu ag paha ii mattami amunutai, ag bu mettak dahilnu ag ii baɗatteb?


Jeremaia nug Sedekaia amegppa anam a, King Sedekaia nug eɗua nug amegppa aum. “Amge Juda laala ag akka ag gona, ag beɗulag Babilon eppelagppa meppig daatteb amu, Babilon ag da ag eppelagppa meiɗkkulag dayeb, ag da eheɗ heiɗkkulagnu baɗattem,” awa aum


Aria Jesus Nug eɗua Pailat toppa daye, Pailat nug mana mettak danab okkai, danab ah ikkilkad danab, amu danab ah ele ag onilagppa e, ag gumidna ukkaeg,


Laala ag aɗaglagnu heppig, amge danab ah kuɗum nuhignu oolagppa genab doona, ag appig. “Danab imu Nug Kayak dabmettaknu kobol danab haknu elele iitta kuɗum hette, amu haen Kristus Nug uɗikku amu, Nug Kayak dabmettaknu kobol danab haknu elele iitta kuɗumnab, danab imu eɗittak hekkute? Iitta,” aon appig.


Swiv nou:

Piblisite


Piblisite