Jon 12:24 - Nobonob Baibel

²⁴ Genabnab genab da ag amelagppa attem. Wit aeg nug qaɗu bekkunu wanppa ii na qekku, aeg nug ele ii nauhkku amu, aeg nug aakkuib daatte, amge nug wanppa na qa nauhkku dayeb amu, nug bau ba, meu huanak otte.

Jon 12:24 Referans Kwoze

Sam 72:16

Ihinig wanppa ee dattanu meu huana okkulagnu ool daatte. Yo, qauko ikkilkadppa ee bekkulagnu ool hette. Ad meulkad oeg, ig lattem ele, Lebanon appa ena betteb amubia, ippa ena bekkulagnu ool daatte. Ge, gikkiɗah atuppa hamu betteb, ad meu amubia bekkulagnu ool hette.

Sam 22:15

Hinai ooppa le qaɗaietta, le nakok laa iinab daatte bia, da oolppa ɠagattag iittanab. Am danab le iittanu mauhkkunu heehe, lemaɗu oɗe qataqette, amubia da mauhkkulnu male daami. Ge, na hee, da danab beɗu gai-iittanab dayaya, gappudppa niiaya, mauhkkunu hette bia, da mauhkkulnu hettem.

Rom 14:9

Kristus Nug danab ag mauhppig, danab ag bau daatteb ele, amu oh dilag Naɗi daakkunu, Nug diig amununab mauha, eɗua hibaittom.

Job 14:8

Ad amu diɗi wanppa haen elabnab daaglag, ad diig ele wanppa qaɗaietta auta autanab aokku,

Aisaia 28:28

Ag ee aeg mumuɗakppa nauhkkunu elele amunu, danab nug ee aeg mumuɗak haahaib ii mumuɗtte. Ge, danab nug wilkarppa ee aeg mumuɗtte, amge nug hos wilkar eeɗtte ele am ee aeg heeb nauhmanu dabmetta auta aotte.