Jon 12:23 - Nobonob Baibel

²³ Aeh amu Jesus Nug amelahppa aum. “Danab Bekkalag da, da binal amahlak oppiaawak ele aokkulnu haen aakku uɗiom.

Jon 12:23 Referans Kwoze

Aisaia 60:9

⌊Yawe atte, amubia uub amuam ag wan umanabnu danab ah aon uɗitteb.⌋ Nug atte. “Danab ah wan miagnu, wan umanu ele ag da aniɗna, ehanittak aoglagnu oolag huana hette,” awa atte. Uub tatam uɗitteb amu, ag Tarsisnu. Ag, ag Juda, ag bekkalkad umanabnu aon uɗinna, ag laih appanu danab dilag silwa, gol ele, ag amu ele aon uɗitteb. Ag Yawe, Nug ag Israel, ahilag Kayak Oppiaawak Ele, Nug ag Israel binalag okkainab meum ele amu, ag diig amunu ag silwa, gol amu ele aon uɗin, Nug binag mekkulagnu hetteb.

Mak 14:41

Aria, haen ewam batak nug eɗua ukka, ag niiegeg anatta amu Nug ag amelagppa aum. “Ag iite ahappig? Ag tuɗidna niin, hik ele aottebte? Aakku elele! Haen aakku doum. Danab nug Danab Bekkalag da, hipunin danab eppelagppa meiɗkkunu haen aakku doum.

Matyu 25:31

Jesus Nug anam ana Nug nai tuɗitta aum. “Dimppa haen Danab Bekkalag da, da binal amahlak oppiaawak ele uɗippi, engel oh ele uɗignig, haen amuppa da sia king binag amahlak oppiaawak ele dahilppa daakkul.

Aisaia 55:5

⌊O dahilad danab ah,⌋ da Yawe, da am ag Israel, ahilag Kayak; ge, da am ag Israel, ahilag Kayak Oppiaawak Ele. Amu diig amunu amu, ag geha danab ah huu ag ii doyadtteb ele onilagppa eppeg, ag gumadna uɗiglag. Ao, ag huu amu ii doyadtteb, huu amu ele ag ii doyadtteb, amge ag ag onilagppa eppeg, ag qaiqaɗ ahilagppa uɗiglag. Aɗinu? Da ag, dahilad danab ah, da ag ɠagattag onig okkai ele mattami.” Yawe Nug anam atte.

Jon 12:16

Yaak anam niitte, amge Jesusnu ippunittak awak danab ag tatam nai amunu diig am, ag oolag ii maittom. Dimppa Jesus Nug Mame toppa ukke, haen amuppa amu Kayak naippa yaak amu dayom daulagppa do dabmena, keeke oh yaakppa dayom ele am anamib beum, amu ele daulagppa do dabmeppig.

Matyu 26:45

Unuqittak oh malak dimppa Jesus Nug eɗua ukka, ippunittak awak danab amelagppa aum. “Ag iite ahappig? Ag tuɗidna niin, hik ele aottebte? Antteg! Laa nug Danab Bekkalag da, hipunin danab eppelagppa meiɗkkunu haen miag aakku doum.

Mak 14:35

Nug anam awona amu Nug nakok laa ele wana ukka, appa Nug laippun gateg qaun o, gomela, iɗu wanppa ma, haen nau amu ii anidkkunu inam unuqittom.

Jon 7:39

Jesus Nug nai amuam Kayak Ouɗinu aum. Danab ag oolagppa genab dooglag ele, ag aoglag. Amge haen amuppa Jesus Nug Mame toppa ii ukkom amunu, Kayak Ouɗi, Nug danab oolagppa ii dayom.

Jon 12:27

Jesus Nug nai amu awona, Nug nai tuɗitta aum. “Da oolppa dabmak kuɗumnab aottem. Da, ‘Mame, na haen imunu mua nau imu heppe da ii anidpa,’ akkulte? Iitta! Da uɗat imu hekkulnu uɗimi,” awa aum.

Jon 13:1

Pasowa Hobulnu deɗ ii neum, amu haen miag dayomppa, Jesus Nug doyom, Nug wan imu uua, Mameg toppa gokkunu haen aakku malom. Nug anam doya, Nug nuhikkud, ag wan imuppa daappig amu, Nug ahilagnu oo mauhe, Nug genab anam huanak doyom amu gemu ippuanattom.