Jon 11:49 - Nobonob Baibel

⁴⁹ Amge danab laippu laa, ag oolagppa dayom ele amu, nug onig Kaiapas, nug maɗ amuppa mana mettak ikki danab dayom amu, nug laikkud amelagppa aum. “Ag keeke laippu iinab dootteb.

Jon 11:49 Referans Kwoze

Jon 11:51

Nug nukka nuhig dabmakppa Jesus mauhkkunu nai amu ii aum. Iitta. Maɗ amuppa nug mana mettak ikki danab dayom amunu, Jesus mauha, Juda danab ah ehanadkkunu propet nai mattiom.

Matyu 26:3

Haen amuppa mana mettak danab okkai amu Juda dilag ikki danab ele, ag oh mana mettak ikki danab onig Kaiapas nug laug enanagppa qagmeppig.

Aposel 4:6

Laa amu ag qagmeppig ele amu, ag oolagppa am mana mettak ikki danab Anas, aria Kaiapas, Jon, Aleksander, amu danab laala ele, ag oh buɗub laippunu amu, ag oh ele daanna,

Luk 3:2

Amu Anas, Kaiapas ele aa mana mettak ikki danab daaeheh, haen amuppa Sekaraia bekka Jon, nug atu taɗakppa dayeye, Kayak Nug nai laa ⌊nug uɗat nuhig digmekkunu⌋ nug amegppa aum.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

1 Korint 2:6

Imuam genab, ig danab Kayak kobolnu kalulag mettak ele, ig ag amelagppa nai doyak dabmak ena ele mehuqttem. Amge nai doyak dabmak ena ele amu, amuam wannu haen imuppan danab dilag doyak dabmak ena ele iitta. Amu wan imunu ikki, ahilag ele iitta. Ag am iitta mekkulag.

1 Korint 1:20

Amunu danab doyak dabmak ena ele nug attemun? Danab doyak okkainab ele, nug ele am attemun? Attemun wannu haen imuppan danab nug oɗe alala eppa elelenab maditte? Kayak Nug wan danabnu doyak dabmak ena ele amu he, nai amu dabmak tutukku iitta iite daatte?