Jon 11:40 - Nobonob Baibel

⁴⁰ A am Jesus Nug aum. “Da tatam na amenppa imu ami. ‘Na ootppa genab dookkut amu, na Kayak ebehi gemu anidkkut,’ ” awa aum.

Jon 11:40 Referans Kwoze

Jon 11:4

Jesus Nug amu doya aum. “Oɗe amunu gogppa tak am mauhak, ⌊wan imuppa baula daamanu⌋ iitta. Iitta. Oɗe imuppa Kayak Nug binag amahlak oppiaawak ele awebeb, Kayak Bekka da, da ele amuppa binal amahlak oppiaawak ele aokkulnu daatte,” awa aum.

Sam 63:2

Da nahip mettid lagppa appa amu, da na anidkkul. Appa da nahip ɠagattag, nahip binag amahlak oppiaawak ele, da amu ele anidkkul.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

2 Stori 20:20

Aria anam heeg ukke, deɗ amu uue, deɗ amu wagɗe, Juda dilag daup ag ahan, atu taɗak onig Tekoa, ag appa gokkulagnu goppig. Ag gokkulagnu daaegeg, Jehosapat nug aha, danab ah amelagppa aum. “O Juda danab ah oh, laa ag Jerusalemnu, laa ag Juda wanppa laih laihnu, ag dahil nai doyeg! Ag Yawe, ahilag Kayak, ag nuhignu oolagppa genab doyeg! Ag amu hekkulag dayeb, Nug heeb, ag ɠagattag qak daaglag. Ao, ag nuhikkud propet nainu oolagppa genab doyeg! Ag amu hekkulag dayeb amu, ag aɗi hekkulagnu hetteb, amuam meu okku.” Jehosapat nug anam awa aum.

2 Korint 3:18

Amu keeke laa ig iɗunig ii haut-tte, Naɗinu binag amahlak oppiaawak ele ihinigppa uɗiaya, aam ameg lettodppa ya gotte, ig nuhig binag amahlak oppiaawak ele amubia heta daattem amu, Naɗi Nug ig Nug bia daagnignu baolikkekke, ig nuhig binag amahlak oppiaawak ele tuɗid tuɗid aot daattem. Naɗi Nug am Ouɗi, amu Nug anam aakku hette.

Sam 90:16

Na heppe, ig nahip maɗi nid, ig kobol danab haknu elele iitta na hettem amu, ig amu anidkkunignu oɗ medattem. Na heppe, ig buɗunkad ag nahip hak enanagnab anidkkulagnu unuqidttem.

Jon 9:3

Anam aeg amu Jesus amelagppa aum. “Danab amu nuhig hipuninppa o anig mameg ele dilah hipuninppa ameg gaɗuak ii awom, amge kobol amu beum amunu, Kayaknu uɗat amu danab amuppa miag atia bekku.

Jon 12:41

Aisaia Jesusnu binag amahlak oppiaawak ele anttom amunu, nug Jesusnu aum.

Matyu 17:20

Aeg amu Jesus Nug ag amelagppa aum. “Ahilag ooppa genab doyak am iitta bia amunu ag elele iitta. Da genab ag amelagppa attem, ahilag ooppa genab doyak nakokib dayeb, ad mastet aeg bia amu, ag keeke okkai hekkulagnu elele. Ao, ooppa genab doyak ahilag nakokib anam dayeb amu ag qauko umunu, ‘Na ahan laih uppa wa!’ appeg amu, geha wakku. Amunu ag aɗi hekkulagnu daatte amu ag hekkulagnu elele.

Mak 9:23

Nug anam a amu Jesus Nug aum, “Da hekkulnu elele, amge na amunu ootppa genab doottemte? Danab nug ooppa genab doyak ele amu, nug keeke oh hekkunu elele,” awa aum.

Rom 6:4

Ig layattak aomut amunu, amuppa ig aakku Kristusnu mauhakppa, ig ele laippu mauhmut. Ig anam mauhut, Kayak Nug ig Kristus ele laippu boumikkom daamut. Ig anam daamutnu diig am, Mama Nug nuhig ɠagattag okkai amuppa he, Kristus eɗua hibaittom, amubia Nug heeb, ig ele oiyak bau aot oignignu elele daagnig.