Jon 11:35 - Nobonob Baibel

³⁵ Anam aeg amu Jesus gayom.

Jon 11:35 Referans Kwoze

Luk 19:41

Jesus anam ana Nug ukka, Jerusalem guguitta wana, Nug aab okkai amu antta, ameg leb ne,

Hibru 4:15

Ele amu ihinig mana mettak ikki danab, Nug am danab laa ihinignu oo ii dookkunu laa iitta. Hipunin haknu eeɗak kobol oh ihinigppa bette amu, amu ele nuhigppa beum, amge Nug hipunin laa iinab heum amunu, keeke nuhigppa beum bia ihinigppa beebe, ig gai-iitta bia daautut amu, Nug ihinignu oo doyak dookkunu elelenab daatte.

Jon 11:33

Maria anam a amu Jesus Nug Maria gayeye antta, Juda ag Maria ele uɗippig amu, ag ele gaaegeg anattom. Anam anatta, Nug ele oo hik boppane, gaakkunu heum.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Jeremaia 13:17

Amge ag nuhig nai dooglagnu uun, ii dim lamidkkulag dayeb amu, ahilag dada hak, diig amunu, da dakka piɗe dayeye gaakkul. Ge, ag Yawenu danab ah, ag nai dooglagnu uun, ii dim lamidkkulag dayeb amu, ahilag hak nau, diig amunu kekeɗ ag uɗin, eɗadna, aɗualadna diin goppeg, ag wan laappa diia ukka laih me dayak danab ah daaglag amunu, da eheɗ gaappi, da amel leb huanak nekku.

Sam 119:136

Danab ah ag nahip ɗo ii dim lamidtteb amunu, da gaai gaai, amel leb huana nette.

Job 30:25

Da amu, da ele da laa ag uug okkaippa daaegeg, da ahilagnu iite gaami. Ao, laa ag daɗek daaegeg, da oolppa ahilagnu uug doye, iite mahiadmi?

Jeremaia 14:17

Anam amunu, Jeremaia, na gona, danab ah imu amelagppa inam appe doyeg! ‘⌊Qinob, uug naunab amu beppeg, da akkul.⌋ O gadon, da amel leb huanaknab naɗ! Ao amun, tuqan ele anamib hanhan naɗ! Aɗinu? Dahilad danab ah, ag da ele tiinig laippu, ag am da aɗel, ah makkun dahil bia daatteb amu, ag makkuɗakppa ihilag nau ele daatteb. Ao ag maduduɗattakppa guittak okkainab aoppig.

Aisaia 63:9

Haen ag uug nau dooppig amu, Nug ele uug nau doya he, laa nugatoppa daatteb amu, nug ehanatte, padal ii meppig. Nug ahilagnu oo mauhak doya, ag dabmatta, oo gai-iitta doya oo metta ehanittak kobol ele dim lamittom amunu, haen kuɗum ag nau doyegeg, Nug amunu qagaiettakppanu eɗua uhuqak heum. Anukka, haen amuppa, maɗ kuɗum ukkom amu, Nug danab laa nid nakok laa ehanitta awa maotte, amubia ag ehanattom. ⌊Yawe Nug nukka amu oh ahilagnu heum.⌋

Genesis 43:30

Anam awowa, nug amag anttomnu oo huan doyeye, gaakkunu paha aha, nug ag uuatta, lagnu oo laappa noa, lokkuma gayom.

Gayak Nai 1:16

Diig imunu ig Juda danab ah ig gaattem. Ao, diig imunu ig amenig leb am ig amenigppa ambaknab daatte. Diig amuam inam. Laa ig ehanikkeb, ig oonig mekkunu laa miag ii daatte; laa nug ehanikkeb, ig oonig eɗua, ɠagattag daakkunu laa iitta. Laa am, kekeɗ ag ig eɗigppig; amunu ig bekkankad, aɗenkad ele ag daɗeknab daatteb.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

Luk 19:11

Jesus Nug Sakius laugppa dayaya, nai amu mattie doyeg, Nug Jerusalem guguitta dayom amunu, danab ah ag, “Kayaknu ɗo maɗoɗ am geha iikku miag atikku,” dabmenan dooppig amunu, ag anam dabmemananu, Jesus Nug nai tuɗitta, keeke danab ag dootteb ii dootteb ele ouaqata ippuanatta inam mattiom.

Jon 11:34

Anam haaha amu Nug aum. “Ag adeppa meppig?” awa aum. A amu ag appig, “Naɗi na uɗin antte!” aon appig.