Jon 11:27 - Nobonob Baibel

²⁷ Jesus anam a amu Marta aum. “Ao Naɗi, na am Kristus. Na Kayak Bekka wan imuppa uɗime. Da amu oolppa genab doottem,” awa aum.

Jon 11:27 Referans Kwoze

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Jon 6:69

Ig na dooidta, oonigppa genab ele doottem; na aakkuib am Kayak Bekka Oppiaawak Ele,” awa aum.

Jon 6:14

Danab ag Jesus Kayak dabmettaknu kobol danab haknu elele iitta he anidppig ele amu ag appig. “Genab ig propet laa nug wan imuppa uɗikkunu nai doomut ele am iikku!” aon appig.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

1 Jon 5:1

Am aun laa nug, Jesus am Kristus, ooppa genab dootte amu nug Kayak Bekka beum daatte. Amu aun laa nug Mamenu oo mauhak dootte amu, nug Bekkanu ele oo mauhak dootte.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

Aposel 8:36

Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

Jon 4:42

Oolagppa genab doona amu, ag ah amu amegppa appig. “Ig na ame amuppa oonigppa genab ii doomut. Iitta. Ig ikka ele Nug oɗeppa a doomut, amuppa ig aakku doottem, Nug am genab ig wanppan danab ah oh eɗua awikkak danab,” aon appig.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.

Matyu 11:3

Goya Jesus oɗ medapiɗ. “Danab laa uɗikkunu aeg doomut am na aakkute, o iitta ig laate ameg mekkunig?” aoya apiɗ.

Matyu 16:20

Jesus Nug anam ana amu, Nug nuhikkud ippunittak awak danab ag laa amelagppa nuhignu, “Nug am Kristus,” amananu ɗo ɠagattag meum.

Aposel 8:37

((Aria Pilip nug aum. “Na oot ohppa genab doottem dayeb amu na aokkutnu elele,” awa aum. Awa a, danab amu nug oɗeppa awa aum. “Da Jesus Kristus Nug am Kayak Bekka da oolppa genab doottem,” awa aum.))