Jon 11:1 - Nobonob Baibel

¹ Aria, danab laa onig Lasarus, Betani ted, nug am oɗe ele. Amu Maria, Marta ele, aa am e makkeg amu, aa ele am aab amuppanu.

Jon 11:1 Referans Kwoze

Jon 12:17

Aria, Lasarus nug mauha moɗppa niiom, haen amuppa danab ah kuɗum ag ele daanna, Jesus Nug Lasarus onigppa ewa maɗette, aha dimittim do anidppig amu, ag amunu tuɗidna mattiegeg,

Jon 12:9

Ag anam henan daaegeg, Juda danab ah kuɗumnab ag Jesus aab amuppa daatte doona, ag gumidna uɗippig, amge ag Jesusib anidkkulagnu ii uɗippig. Iitta. Jesus Nug Lasarus moɗppanu maɗette ahom amunu, ag Lasarus anidkkulagnu ele uɗippig.

Jon 11:11

Jesus nai amu mattia mala am Nug aum. “Ig lainig Lasarus nug niiom daatte, amge da ukken maɗedakkul,” awa aum.

Matyu 21:17

Nug anam ana, Nug aha uuatta, aab okkaippanu dimittim ukkom. Nug ukka, tuqan amuppa Betani appa dayom.

Aposel 9:37

Amu Pita nug Lida dayeye, haen amuppa ah amu nug oɗe awa mauhe, laa ag mauhom gaɗa amu le laaidna, lag oo attan laa amuppa meeg dayom.

Jon 11:3

Lasarus nug oɗe meum amunu, Maria, Marta ele aa nai meeh, Jesus toppa ukke apiɗ. “Naɗi, na nuhignu oot mauhtte ele, danab amu aakku oɗe meum,” aoya apiɗ.

Mak 11:1

Aria ag gona, Jerusalem gukkuidna, aab aɗit Betani, Betpasi ele, aa Olipnu Qaukoppa daapiɗ, ag aab amuppa tekkulagnu tenana, appa Jesus Nug ippunittak awak danab aɗit laa maate gokkulahnu a daaeheh,

Genesis 48:1

Aria, dimppa Josep nug mameg oɗe niieye nai doyom. Doya amu, nug aha, bekoɗ aɗit Manase, Epraim ele diiate goppig.

Jon 11:18

Jerusalemnu Betani ukkak am 3 kilomita bia, umanab iitta

Jon 11:19

amunu, Juda kuɗum ag Marta, Maria ele, aa Lasarus mauhomnu oolah mekkunu ehanatkkulagnu gumatna goppig.