Jon 10:37 - Nobonob Baibel

³⁷ Da Mamenu uɗat ii hettem dayeb amu, ag dahil nainu oolagppa genab aib dooppig.

Jon 10:37 Referans Kwoze

Jon 15:24

Da kobol danab hekkunu elele iitta, danab laa ii heum ele ahilagppa ii helom amu, ag hipuninnu aab iitta daalob, amge ag anadna, hamu bia doona, da amu da Mamel ele ag ihinihnu nau ninig ele dooppig.

Jon 10:25

Anam aeg amu Jesus Nug ag amelagppa inam aum. “Da ag amelagppa anam ami, amge ag oolagppa genab ii dooppig. Uɗat oh da Mame onigppa hettem amu, amuam da am Kristus, ippunadtte.

Jon 14:10

Da Mame nuhigppa daattem, Mame Nug dahilppa daatte. Pilip na amu ootppa genab iite doottem?” awa aum. Jesus Nug anam mattiowa, Nug nai tuɗitta ag oh amelagppa aum. “Nai da ag amelagppa madittem ele imu, amuam da dakka, dahil dabmakppanu iitta. Mame Nug dahilppa daatte, Nug nuhig uɗat dahilppa hette.

Jon 10:32

Makkuɗkkulagnu heeg amu, Nug ag amelagppa aum. “Da Mamenu ɠagattagppa uɗat ena ena kuɗumnabppa danab ah ehanadmi amu, aɗi uɗat amu ena iitta anidna, da menppa oiɗppeg mauhkkulnu hetteb?” awa aum.

Jon 5:31

Am da dakkanab dahilnu nai imu mattilom amu, dahil nai mattiak imuam elele iitta daalo,