Jon 10:33 - Nobonob Baibel

³³ Jesus anam a amu Juda ag appig. “Ig uɗat ena laa dabmeta, na menppa oidpput mauhkkutnu ii hettem. Iitta. Na Kayaknu dabittak nai madittem. Na danab hamu amge na, ‘Da am Kayak,’ aon ame amunu, ig hettem,” aon appig.

Jon 10:33 Referans Kwoze

Jon 5:18

Amuppa Juda okkai ag Jesus qeppeg mauhkkununab oolag dayom. Aɗinu? Nug Sabat deɗnu ɗoib ii tippalom. Iitta! Nug, “Kayak Nug am da Mamelnab,” aum amunu, nai amuppa Nug Kayak ele, elele elele daattep ippuanattom.

Lewitikas 24:16

Ao, aun laa nug Yawenu dabittak nai akku amu, ag nug qeppeg mauhaɗ! Israel dilag tamaniak oh ag nug menppa makkuɗkkulag. Nug Israel ted laate, iitta wan laihnu danab laatai, nug Yawenu dabittak nai akku dayeb amu, ag nug qeppeg mauhaɗ!

Jon 10:30

Da Mamel ele amu i am laippu,” awa aum.

Pilipai 2:6

Amuam inam. Nug am Kayak genab dayom, amge Nug Kayak daatte, Nug amubianab daakkunu wagai ii meum.

Rom 13:1

Gabman uɗat am nukka ii beum. Iitta. Gabman uɗat oh Kayak nukka meum amunu, danab oh ag danab gumaknu ehah ele waalagppa dayeg! Gumaknu ehah anen anen oh daatteb amu, Kayak maattom daatteb

Sam 82:6

Da ami. ‘Ag am Kayak ganiappud. Ao, ag am oh Kayak Attannab Laa Oh Eɗattak bekkod daatteb.

1 King 21:10

Dayebeb, aria ag danab nau aɗit laa, Nabot daakku, amu guguittak maatppeg daayya, aa Nabot nug Kayak, king ele aa eheɗ laa awaknu anak waappa daaglahnu aum, amu Nabot beɗuppa yaapeɗ, ag doon, dimppa Nabot aon, aab okkai dimittim gona, menppa makkuɗppeg mauhaɗ!” Nug uɗugppa anam yom.

Lewitikas 24:14

“Laa nug dahilnu dabittak nai aum amu, ag nug aon, haen tutu dayaknu aab kalak dimittim gona appeg, aun aɗi ag nug nai aawo dooppig ele amu, ag eppelag igippa meppeg, tamaniak oh ag nug menppa oppeg mauhaɗ!

Jon 10:24

Nug anam noa oiyeye, Juda ag dona hippaidna, Jesus oo mettan daanna appig. “Na haen ganebnab heppe, ig dabmak aɗit ele daattem amu iitta mekku? Na genab Kristus daattem dayeb amu, na pehettana tutukku miag atiak appe dootu!” aon appig.

Jon 10:32

Makkuɗkkulagnu heeg amu, Nug ag amelagppa aum. “Da Mamenu ɠagattagppa uɗat ena ena kuɗumnabppa danab ah ehanadmi amu, aɗi uɗat amu ena iitta anidna, da menppa oiɗppeg mauhkkulnu hetteb?” awa aum.

Jon 19:7

Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.