Jon 10:2 - Nobonob Baibel

² Am danab nug aɗnu odppa tutukku notte ele amu, nug am sipsipnu gumak danab.

Jon 10:2 Referans Kwoze

Jon 10:14

Da am sipsip gumak danab ena. Da dahilad sipsip doyadttem, sipsip ag ele da dooiɗtteb,

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

1 Pita 5:4

Anam dayeb amu, haen Sipsip Gumak Danab anuqak eɗua uɗieb amu, ag onig okkai ii nauhtte ele amu aoglag.

Sam 23:1

Danab nug sipsip gumattak danab daatte, amubia amu, Yawe Nug dahil gumittak daatte. Nug anam daatte amunu, da bau dayaknu keeke oh elele aɗattem.

Aisaia 40:11

Amu Nug sipsip gumak danab laa nuhikkud sipsip atognoadtte, amubia nuhikkud danab ah atognoadtte. Sipsip gumak danab nug sipsip nakkud diia, momoppa maatta, gamanattatta, anilkad amu qinonob omalatta gotte bia nuhikkud danab ah dilagppa hette.

Eklisiastis 12:11

Danab ag doyak dabmak ena ele, ahilag nai am ad laa aeg hawaɗ hoiyak ele danab ag amuppa makau okkai ebehi ele yaalatteg uɗat hetteb bia. Ao, ahilag nai am ad laa noobppa tutui ɠagattag ye nak ele doɗ guittak mettette gotteb bia. Ahilag nai am Kayak, Nug ig gumigtte, nuhigppanu uɗitte.

Hibru 13:20

Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!

1 Timoti 4:14

Haen tamaniaknu ikki danab ag eppelag na baɗenppa meeg, propet nai laa nahipnu mattieg, na Kayaknu uɗat hekkutnu ehah aome amu, na uɗat amu daut aib atiom; aib uume.

Jon 10:9

Da am od daattem. Laa nug dahilppa doa, aɗ ooppa nokku amu, nug Padal ii maknu ehanittak awa daakku. Nug ooppa doa, eɗua dimittim ukka, ee antta lakku.

Jon 10:7

amunu, Jesus Nug nai laa mattiaya aum. “Da genabnab genab ag amelagppa attem. Da am ⌊hab aabppa ukkaknu⌋ od oɗe, sipsip ag aɗ ooppa nokkulagnu od oɗeppa notteb, amubia.

Sekaraia 11:8

Da anam dayeye, kalam laippuppa da sipsip gumak danab nau ewam lamadmi. Da anam heiyi ukkom, amge sipsip amu, ⌊ag am Israel danab ah,⌋ ag dahilnu ag oolagppa uuaknab dooppig amunu, da ahilagnu bahil yom.

Sekaraia 11:5

Danab ag sipsip amu ⌊sipsip mamelkad dilagppanu, enub danab laanu men doɗoppa, nuhig daakkunu⌋ daden metteb ele ag daden mewona, ag ⌊laa⌋ baalag otaɗadna ⌊latteb⌋, amge ag bu ii aotteb. ⌊Enub⌋ danab ag sipsip amu ⌊ahilag men doɗoppa aoppig amu,⌋ ag aon meeg, laa daden meeg, enub danab ag men doɗo okkai aon, ag anen anen, ‘Ig Yawe onig humatu. Da enub danab bemi daattem!’ atteb. Sipsip amunu gumak danab ele ag ena ii atognoadtteb; ag ele aqadna ⌊latteb⌋. ⌊Aakku ib ewam amuppa sipsip ameg amuppa daatteb, ag nauhak aotteb.⌋

Sekaraia 11:3

Doyeg! Sipsip gumak danab ag oolagppa guittak nau doon, eheɗ gaatteb. Aɗinu? Gikkiɗah dad okkai, enanag, sipsip appa gumattegeg ee lappig amu, laa heeg, dad amu nauhppig daatteb. Doyeg! Laion bau ag gaatteb. Aɗinu? Ahilag dayak aben Jodan le daugppa ad naunau huanak oolagppa amu, laa ag heeg, iitta meum.

Esekiel 34:23

amu da geha king laippu laa, dahil maɗi nid Dawit, ag madappi, nug ag atognoadkku. Nug geha sipsip gumak danab laa, nug nuhikkud sipsip gumadtte, amubia ag gumadkku.

Sam 80:1

O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Revelesen 1:20

Na da eppel naɗiap-ppa hoɗoppai eblaih aɗit ele anidme, lam maknu balal eblaih aɗit ele, ele anidme amu, amunu diig am inam. Hoɗoppai eblaih aɗit ele am Kristen tamaniak eblaih aɗit ele, amu dilag ikki danab. Lam maknu balal eblaih aɗit, amuam Kristen tamaniak eblaih aɗit amu aakku,” awa aum.

1 Pita 2:25

Anukka ag am sipsip hetteb, amubia ag ib ettan goppig, amge gemu ag eɗun ahilag gumak danab, sipsip gumak danab bia daatte, ahilag okkai, Nug ag atognoadtte ele amu, ag Nug gumidna uɗippig.

Taitus 1:5

Da na Krit nudppa daakkutnu uuidmi amu, amunu diig amu da anukka na amenppa ami amubia, na dahil uɗat pehettan tuɗidna, elele mettan, na Kristen tamaniak ooppa aab aben abenppa ikki danab otiadkkutnu appa uuidmi.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Maika 5:5

Am danab amu Nug heeb, maɗoɗ daakku. Asiria ag ig Israel eɗigkkulagnu uɗiglag. Ao, ag ihinkad aab aɗ ɠagattagnab eleppa laippu tappa ukkakppa oiglag. Amu diig amunu ig danab sipsip gumadtteb, ig gumak danab amubia eblaih aɗit ele otiadkkunig. Ao, ig ikki danab eblaih ewam ele otiadkkunig.

Aisaia 63:11

Nug anam he, nuhikkud danab ah ag anukka Yawe Nug ag ehanattomnu dabmeppig. Ag Mosesnu haenppa Nug kobol digdig ehanadkkunu heum amu, amuam ag daulagppa doum. Ag amu dabmena, akka akka nug oɗ medappig. “Laa Nug yu gamagppa ib he, ig memetankad aɗi, ahilag okkai Moses ele, ag ib amuppa laih ena goppig amu, Nug gemu adeppa daatte? Laa Nug nuhig Ouɗi Oppiaawak Ele ag oolagppa meum amu, Nug gemu adeppa daatte?

Matyu 15:11

Keeke dimittimnu danab ooppa notte ele, keeke amu danab oo dubuttid ii medatte. Iitta! Keeke nau danabnu dabmakppa lokkumak dayaya, nai oɗeppanu dimittim bette amuam he, danab oo am dubuttid ele daatte,” awa aum.