Biblia Todo Logo
Bib sou entènèt

- Piblisite -




Jon 1:43 - Nobonob Baibel

43-44 Wagɗe deɗ amuppa Jesus Nug Galili gokkunu dabmaama, Nug Pilip, nug am Betsaida ted, nug Andru, Pita ele, ag oh appalag laippu amu, Jesus Nug nug mattia antta amu nug amegppa aum. “Na da dim lamiɗe!” awa aum.

Gade chapit la Kopi




Jon 1:43
19 Referans Kwoze  

Anam a amu, Pilip nug aum. “Naɗi, na Mama ippunigppe, amuppa ig elele doognig,” awa aum.


Aria, Jesus Nug appanu aha oiyaya, takis awak danab laa onig Matyu, nug takis awak lakka dayeye anttom. Antta, Jesus Nug amegppa aum. “Na dona, da dim lamiɗe!” awa aum. Anam a amu, nug aha Jesus dim lamittom.


Yawe Nug atte. “Danab laa ag dahilnu oɗmak ii heppig amu, da ahilagppa miag atiak tule bemi. Ao, danab laa ag da aniɗkkulagnu uɗat ii heppig ele, ag am da aniɗppig. Amu wanppan wan laihnu danab ag da ii unuqilppig amu, da ag amelagppa, ‘Da iikku daattem, da iikku daattem,’ ami.


Grik danab amu ag Galilinu aab Betsaida ted Pilip gumidna gona amegppa appig. “Danab naɗi, ig Jesus anidkkunignu oonig daatte,” aon appig. Betsaida am Galili appa dayom.


Kayak Nug tatam ihinignu oo mauhom amunu, ig oo mauhak kobolppa oittem.


Amu da Kristusnu kobol oh aomi daattem, o da aakku elelenab daattem, da amubia ii dabmettem, amge da Jesus Kristus, Nug da aun bia daakkulnu dabma aɗailom, da anam daakkulnu dabmein dayeye gottem.


Jon nug Jodan leppa danab layattette, keeke imu oh Betani appa beum. Betani amu Jodan le laih appa dayom.


Anam ana, Nug nai tuɗitta aum. “Danab Bekkalag da amu, da danab ag padal meppig daatteb ele, da ag eɗuen diiadkkulnu uɗimi,” awa aum.


⌊Laa oh am,⌋ Pilip, Bartolomyu, Tomas, Matyu ele; Matyu nug am takis awak danab. Aria, Alpius bekka Jems, Tadius,


Nug anam od mette amu Pilip oɗeppa awa aum. “Danab oh ag bret huppu nakok nakok lakkulagnu amu, ig bret silwa men doɗo 1,000 eɗittak daden mekkunig daatte,” awa aum.


Aria, wagkkaɗe deɗ amuppa Jon nug baula appa dayeye, nuhig ippunittak awak danab aɗit ele daappig.


Amu Jesus Nug Jon maniguittakppa meppig doya, Nug aha, Galili ukkom.


Nug anam aum amge Jesus Nug aum. “Uuppe! Mauhak aɗi, ⌊ag danab dahil uɗat haknu dab-ii-metteb ele amu,⌋ ag mauhak lailkad boumatteg! Na da dim lamiɗe!” awa aum.


Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.


Aria, Jesus Nug amu heum amu, amuppa Nug Kayak dabmettaknu kobol danab haknu elele iitta, kobol amu hekkunu digma heum. Nug Galilinu aab Kana appa anam ha, amuppa Nug Nug binag amahlak oppiaawak ele he miag atie, nuhikkud ippunittak awak danab ag nuhignu oolagppa genab dooppig.


Nug anam a amu, ippunittak awak danab aɗit aa Jon nai aum, aa dooya, aa Jesus dim lamitteheh,


Swiv nou:

Piblisite


Piblisite