Joel 3:2 - Nobonob Baibel

² Amu haen amuppa da ele heppi, wan atu ohppan danab ah oh ag uɗin, aben oolnu noak onig Jehosapat, appa qagmekkulag. Ag qagmeppeg, da ahilag eheɗ hak ag Israel dilagppa heppig, Israel am dahilad danab ah amu, eheɗ hak amunu da ag epeɗiadkkul. Amu wanppan wan laalappan danab, eheɗ hak ahilag am inam. Ag danab ah dahiladnab lamatteg gona, wanppan wan laalappa matatun gona daaegeg, wan ahilkad amu, ag oppateg ne, panin aoppig.

Joel 3:2 Referans Kwoze

Sepanaia 3:8

Jerusalem danab ah ag anam heegeg uɗie, gemu ele hetteb amunu, Yawe Nug atte. “Ag danab ah ⌊ag akka onilag qeeg ne oitteb amu,⌋ ag da amel meig! Ao, ⌊haen elab iitta amu,⌋ da ahen, da danab eheɗ hetteb amu ippuanatten, bu madakkul amunu, ag da amel meig! Aɗinu? Da matu inam dabmein, aakku hekkulnu daattem. Da heppi, wanppan wan ohnu danab ah qagmeppeg, da bu eheɗ madette, dahil oo nauhak huanaknab, dahil oppoɗi bak ameg kokoɗ eppak ele da amu ele doyen, bu amu madakkul. Ge, da Yawe, da oo nauhak laa, oo nauhak amuam dahil dooi laa aomanuppa bette, oo nauhak amu be, da haen amuppa oo nauhak amuppa heppi, wanppan wan oh ag nauhna autnanab aoglag.

Aisaia 66:16

Laa amu, aab aɗu ewewe, dubuttid iitta mette, amu danab okkai ag qep elabppa danab nau aqaegeg, ag iitta metteb, amubia Yawe Nug hettoɗiak tutukku haaha, Nug nuhig ɠagattagppa danab ah bu matteb, danab kuɗum mauhkkulag.

Esekiel 38:22

Da bu, amuam oɗe nau danab kuɗum aqe mauhtteb, amu danab qe mauhak kobol ele, da bu anam madappi, ahilagppa bekku. Da heppi, gu eheɗ, ais, amu kalu laa huana eotte onig salpa, amuam ewebeb, nug, nuhikkud daup, am wanppan wan laala ag nug ehanidtteb ele dilagppa nekku.

Joel 3:12

Amu Yawe Nug atte. “Wanppan wan ohppan danab ag ahan, ag oolnu noak onig Jehosapat appa ukkeg! Aɗinu? Da appa dayeye, da danab ah wanppan wan ohppanu epeɗiadkkul.

Esekiel 39:11

Amu Naɗi Yawe Nug atte. “Amu haen amuppa da heppi, Gog, am nuhikkud ele dilag boumak aben am Israel wanppa daakku. Ag danab huanaknab amu mauhadppeg, oolnu noak laappa boumadkkulag. Oolnu noak amuam Mauhak Le heqo laih qaban uɗitteppanu daatte. Danab nug qaban uɗitteppanu uɗia, Mauhak Leppa gokkunu haaha, nug oolnu noak amu leta gokkunu daatte, amge boumak aben amuam okkainab amunu, ib amuppa gotte ele am keldoak daakku. Danab aun laa nug oolnu noak amu leta, laih gokkunu hekku am elele iitta. Gog, am nuhikkud ehanittak huanaknab ag aguppa boumadkkulag amunu, ib am keldoak daakku. Ag aguppa boumadkkulag amunu, oolnu noak amu onig Hamon Gog ataɗkkulag.

Esekiel 35:10

Amu Yawe Nug atte. “Ag Edom ag Israel wan, Juda wan ele dilahnu, ‘Wan aɗit amu ihinig daaglah. Ig gota aognig,’ appig. Ag da wan aɗit am ohppa daami, ag amu ii dabmenan, ag anam appig,” awa atte.

Jeremaia 25:31

Yawe Nug wan ohppan danab ah ag nau heppignu naippa yaaladkku amunu, bannu oqotti am wan atu ohppa daakku. Nug danab ah ohnab epeɗiatta, Nug heeb, nau hak danab ag qep elabppa mauhkkulag.’ ” Yawe Nug anam awa atte.

Revelesen 20:8

Amu nug geha dimittim wana, danab ah wan atu ohppanu ag Jesusnu kekeɗ daatteb, amu nug ag buppualadkku. Nug geha ban humaglagnu qagmaadkku. Ebqak ahilag amu yu ihippanu abuɗ bia.

Revelesen 16:14

Ouɗi nau amu ag epponak keeke danab haknu elele iitta hetteb. Ag wanppan wan oh dilag king, ag Kayak Nukka Ɠagattag Oh Ele nuhig deɗ naɗippa, amuam deɗ Nug eheɗ hak danab oh epeɗiadkku amu, ag Nug ele ban hekkulagnu qagmattaglagnu gotteb.

Revelesen 16:6

Danab imu ag nahipad danab ah oppiaawak ele, amu propet nahipad ele tiilag aɗappig amunu, na tiig lakkulagnu mattame. Ag nob amu aoglagnu daappig, amu na heme, amuppa na elelenab heme,” awa aum.

Amos 1:11

Yawe Nug inam atte. “Edom danab ag hipunin kuɗum heppig amunu, da ool nauhtte. Da ool nauhtte amunu, da ag bu madakkul. Da oppoɗi bak dahil heppi, iitta ii mema. Hipunin laa ag heppig am, ag lailkadnab, am Israel danab ah amu, ag ag aqaglagnu qep elab aɗan, lamadna, ag oo bodoetta le mak nakok laa dooglagnu ii doonna uuppig. Ag uueg, ahilag oo nauhak am aab ewawaib daatte bia dayeye; ag lailkadnab dilagnu oppoɗilag be amelag kokoɗ eppa dayom.

Esekiel 36:5

Naɗi Yawe Nug ag oh amelagppa inam atte. “Da oo nauhaknab doyeye, wan ohppan danab ah amu heppig amu, ag ahilag hak naunu bu aoglagnu da ain malami, amge Edom ag genabnab genab bu anam aoglag. Aɗinu? Kekeɗ ag Israel eɗatteg, Israel nena qeppig, haen amuppa Edom ag oolag gamag eheɗ ahe, Israel dilagnu oolagppa oo aeg bak doon, ag dahil wan ahilag daakkunu aoppig,” awa atte.

Esekiel 25:8

Amu Naɗi Yawe Nug inam atte. “Moap danab ah, Seir danab ah ele ag Juda danab ah dilagnu, ‘⌊Ag ahilag Kayak ehanatteb, ena daaglagnu appig, amge iitta,⌋ Juda danab ah ag danab ah laa oh Babilon eɗatteg, Babilon wanppa daatteb, ag ele anamib daatteb, ⌊amunu ig doottem, ahilag Kayak Nug ag ehanadkkunu elele iitta,⌋’ appig.

Jeremaia 49:1

Amon danab ah dilagnu amu, Yawe Nug inam atte. “Israel danab ah ag nid danab laa iite menuadppig? Israel buɗub laa iite daatte? Iitta. Israel danab ah ag nid danab menuadppig. Ag buɗulkad ele amunu, gemu Amon danab, ag kayak hambuppuak Molek noobppa dup nona, nug binag metteb ele, aɗinu danab amu ag Gad wanppa daatteb? Aɗinu Amon danab ag Gadnu aabppa daatteb?” Yawe Nug oɗ ma, anam atte.

Jeremaia 12:14

Yawe Nug atte. “Da wan laa dahilad danab ah, Israel, ag aulag daakkunu da ag mattami, amge danab laa ag kekeɗ meɗappig, wan amu talilidna daatteb ele amu, ag uɗin, Israel ele ban henana, Israel dilag keeke aon goppig. Ag anam heppig amunu, danab uud hiɗa buɗie gotte, amubia da heppi, laa da kekeɗ meɗappig amu, ahilag kekeɗ ag uɗin, ag diin goppeg, laa da kekeɗ meɗappig ele ag wan laappa diia ukka laih me dayak danab ah daaglag. Amu da Juda danab ah ehanadppi, ag ag eppelagppa baula ii daamna.

2 Stori 20:26

Jehosapat, nuhikkud daup ele ag anam hena, deɗ waɗeleppa ag eɗun, oolnu noak onig Beraka appa ag daanna, Yawe binag meppig. Diig amunu ag oolnu noak amu onig Berakanu Oolnu Noak ataɗeg, gemu ⌊nai imu yaak haenppa⌋ ele, oolnu noak amu onig anamib daatte.

Revelesen 11:18

Iitta aɗi ag nahipnu oo nauhak dooppig, amu na ag amunu bu aqakkutnu haen aakku beum. Anam amunu, na gemu mauhak aɗi epeɗiadkkutnu haen aakku beum. Gemu am ele nahip propet, ag nahipad maɗi nid amu, na ag nob ena madakkutnu haen. Anam amu, gemu am ele nahipad danab ah oppiaawak ele, amu danab oh ag nahipnu ebehilkad oh bodoetta le mette ele, na ag ele nob ena madakkutnu haen. Na danab amu ag onilag ele, onilag iitta ele, amu ag oh nob ena madakkut. Aria, gemu ele na danab ag wanppa tappe nak hena, wan heeg nauhtte ele amu, na heppe, ag nauhkkulagnu haen,” aon appig.

Aisaia 66:18

Amu Yawe atte. “Wan imuppan wan ohppan danab ah, amu nai digdigppan ele aɗi henan dabmetteb amu, da doottem. Da amu doottem amunu, da danab ah wan atu ohnu diie, qagmaadppi, ag uɗin, binag amahlak oppiaawak ele dahil anidkkulag. Da ag amu hekkulagnu uɗikkulnu hettem.

Jeremaia 50:17

Israel am sipsip ag oolna, matatun gona daatteb bia daatteb. Laion nug sipsip lamatte gona, tamtam daatteb, Israel ag amubia daatteb. Tatam Asiria dilag king nug uɗia, doɗ layag qe mauhe latte bia heeg, Israel nauhom. Dimnab amu, Babilon dilag king Nebukatnesar nug uɗia, nug Juda danab ah he nauhna autna aoppig,” awa atte.

Esekiel 34:6

Anam daye, dahilad sipsip ag qauko okkaippa, qauko nakok okkaippa ele mauhnoak oippig. Ag matatun wan ohppa gona daaegeg, laa nug anatta, eɗua diiadkkunu ii mattialattom.’ ” Yawe Nug anam awa atte.

Esekiel 36:1

Yawe Nug da amelppa inam aum. “Danab bekka, na dimppa aɗi bekkunu nai imu Israel dilag qauko, ag danab daalolob, na ag amelagppa anana, na ‘O ag Israel dilag qauko, ag Yawenu nai imu doyeg!’ ana,

Joel 3:14

Danab huanaknab, ao, danab huanaknab ag aben oolnu noak onig, “Yawe Nug Danab Ah Epeɗiadkku,” ag appa ana daatteb. Aɗinu ag appa daatteb? Aben amuppa, onig am Yawe Nug Danab Ah Epeɗiadkku amu, Yawenu deɗ naɗi paha miag dotte.

Maika 4:12

Ag anam atteb amge, ag Yawenu dabmak ii dootteb. Ao, ag nuhig dabmaknu diignu doyak tutukku ii aɗatteb. Yawenu maittak am, Nug danab ee aeg mumuɗkkunu wit, bali keeke, gumu, ikki ele ehakka, ee aeg mumuɗaknu abenppa qagmette, amubia Yawe Nug ag Israel, ahilag kekeɗ mumuɗadkkunu aakku qagmeeb daaglag.