Joel 3:12 - Nobonob Baibel

¹² Amu Yawe Nug atte. “Wanppan wan ohppan danab ag ahan, ag oolnu noak onig Jehosapat appa ukkeg! Aɗinu? Da appa dayeye, da danab ah wanppan wan ohppanu epeɗiadkkul.

Joel 3:12 Referans Kwoze

Joel 3:2

Amu haen amuppa da ele heppi, wan atu ohppan danab ah oh ag uɗin, aben oolnu noak onig Jehosapat, appa qagmekkulag. Ag qagmeppeg, da ahilag eheɗ hak ag Israel dilagppa heppig, Israel am dahilad danab ah amu, eheɗ hak amunu da ag epeɗiadkkul. Amu wanppan wan laalappan danab, eheɗ hak ahilag am inam. Ag danab ah dahiladnab lamatteg gona, wanppan wan laalappa matatun gona daaegeg, wan ahilkad amu, ag oppateg ne, panin aoppig.

Aisaia 3:13

Yawe, Nug danab ah nuhikkud ohnu nai doya mala, hettoɗia, epeɗiadkkunu hettoɗiak abenppa, nuhig dayak abenppa teum daatte. Nug hettoɗiak abenppa hibaittom daatte.

Aisaia 2:4

Am Yawe Nug geha wanppan wan ohnu danab ah dilag nai doya mala, hettoɗia, epeɗia, elele medakku. Ao, Nug geha wanppan wan anen anen oh dilag nai bappaidkku. Nug anam hekku, amu danab ah buɗub ohnu ag ahilkad qep elab aon heppeg, wan buuaknu aen laa daaglag. Ao, ag ahilkad ban lat heppeg, eɗun ad eppeg babaittaknu aen daaglag. Wan laappan danab ag ahappeg, wan laappan danab ele baula ban ii hemana. Ag ban hak sul ele baula ii hemana.

Sam 98:9

Heppeg, keeke amu oh ag Yawe noobppa anam heig! Aɗinu? Yawe Nug wanppan danab ah oh epeɗiadkkunu uɗitte. Nug genab tutukku hak kobol dim lamitta, epeɗiak amu hekku. Ao, Nug wan atu ohppan danab ah nai doya mala hettoɗia epeɗia elele mettak kobolppa epeɗiadkku.

Sam 96:13

Ao, ag Yawe noobppa daanna, ahi ettaglag. Aɗinu? Nug wan imuppa uɗitte. Ao, Nug wan imu epeɗikkunu uɗitte. Nug genab tutukku hak kobol dim lamittatta, Nug danab ah epeɗiadkku. Ao, Nug doyak diig genabib dim lamittatta, danab ah oh epeɗiadkku.

Sekaraia 14:4

Deɗ amuppa nug na, Olipnu Qauko, qauko amu Jerusalemnu kaɗag uɗitteppanu daatte, Nug appa hibaitta dayebeb, qauko amu oppata, laih laih daakku. Qauko oppateb, gamagppa oolnu noak naɗi laa daakku; oolnu noak amuam kaɗag uɗitteppanu digmeeb ukka, qaban uɗitteppanu gokku. Amu bekkunu diig am, qauko laih am ukka, yawalti uɗitteppanu ukkebeb, laih am ukka, yau uɗitteppanu gokku.

Maika 4:3

Nug geha huu digdignu danab ah dilag nai doya mala hettoɗia epeɗia elele medakku. Ao, Nug wanppan wan ɠagattag adeppa adeppa daatteb dilag nai bappaidkku. Nug anam hekku amu, wan ohppanu danab ag ahilkad qep elab aon heppeg, wan buuaknu aen laa daaglag. Ao, ag ahilkad ban lat amu heppeg, ad eppeg babaittaknu aen daaglag. Wan laappan danab ag ahappeg, wan laappan danab ele baula ban ii hemana. Ag ban hak sul ele baula ii hemana.

Joel 3:14

Danab huanaknab, ao, danab huanaknab ag aben oolnu noak onig, “Yawe Nug Danab Ah Epeɗiadkku,” ag appa ana daatteb. Aɗinu ag appa daatteb? Aben amuppa, onig am Yawe Nug Danab Ah Epeɗiadkku amu, Yawenu deɗ naɗi paha miag dotte.

Sam 7:6

O Yawe, ⌊da anam ii hemi amunu,⌋ na kekeɗ dilagnu oo nauhak doon, ahan ehaniɗkkutnu oɗ medattem! Ao, dahil kekeɗ ag dahilnu oppoɗilag be amelag kokoɗ ebatte ele amu, na eɗadkkutnu unuqidttem! Ge, O Kayak dahil, na nai doya mala hettoɗia epeɗia elele mettak kobol dim lamidna, ehaniɗkkutnu oɗ medattem!

Revelesen 19:11

Nug anam a amu, hab obate, da hos hakkab laa dayeye anidmi. Laa Nug hos amu attan dayom amu, Nug onig am, Oo Metta ii Uua, Genab Hak. Laa amu Nug nai doya mala hettoɗia epeɗia elele mettak kobol dim lamittatta, nug epeɗiak uɗat, ban hak ele hette.

Esekiel 39:11

Amu Naɗi Yawe Nug atte. “Amu haen amuppa da heppi, Gog, am nuhikkud ele dilag boumak aben am Israel wanppa daakku. Ag danab huanaknab amu mauhadppeg, oolnu noak laappa boumadkkulag. Oolnu noak amuam Mauhak Le heqo laih qaban uɗitteppanu daatte. Danab nug qaban uɗitteppanu uɗia, Mauhak Leppa gokkunu haaha, nug oolnu noak amu leta gokkunu daatte, amge boumak aben amuam okkainab amunu, ib amuppa gotte ele am keldoak daakku. Danab aun laa nug oolnu noak amu leta, laih gokkunu hekku am elele iitta. Gog, am nuhikkud ehanittak huanaknab ag aguppa boumadkkulag amunu, ib am keldoak daakku. Ag aguppa boumadkkulag amunu, oolnu noak amu onig Hamon Gog ataɗkkulag.

2 Stori 20:26

Jehosapat, nuhikkud daup ele ag anam hena, deɗ waɗeleppa ag eɗun, oolnu noak onig Beraka appa ag daanna, Yawe binag meppig. Diig amunu ag oolnu noak amu onig Berakanu Oolnu Noak ataɗeg, gemu ⌊nai imu yaak haenppa⌋ ele, oolnu noak amu onig anamib daatte.

Aisaia 22:1

Nai meunab ele Jerusalemnu Yawe he, ⌊Aisaia⌋ doyom ele am iikku. Jerusalem danab ah, ag attem hena, ag ahilag lag koɗokko uɗem ukkakppa teppig daatteb?