Job 8:3 - Nobonob Baibel

³ Kayak Nug nai doya mala hettoɗia epeɗia elele mettak kobol awa he, kaliak daattete? Ge, Laa Nukka Ɠagattag Oh Ele Nug kobol ena awa he, kaliak daattete?

Job 8:3 Referans Kwoze

2 Stori 19:7

Amunu ag amu dabmena, ag ebehilag oh Yawenu bodoetta le maɗ! Yawe, ihinig Kayak, Nug nai doya mala hettoɗia epeɗia elele mettak kobol dim lamidtte; Nug kaliak nakok laa ii hette. Nug men doɗo awa, laa eheɗ heumnu, ‘Nug ii heum,’ iinab atte amunu, ag epeɗiak maɗi ahilag pehettak, eleleib heig!” awa aum.

Duteronomi 32:4

Nug am hanhan ɠagattag daatte; nuhig uɗat am qa oppiaawak ele. Keeke oh Nug hette amu, Nug nai doya mala hettoɗia epeɗia elele mettak kobol dim lamitta hette. Kayak Nug diig nuhignu oo metta ii uuak kobol dim lamittatta, Nug eheɗ laa ii hette. Nug tutukkuib daatte, Nug nai doya mala hettoɗia epeɗia elele mettak ibuppa hanhan daatte.

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Daniel 9:14

Ig amu hemut amunu na, Yawe, na heppe, uug naunab ihinigppa bekkunu ii uume. Aɗinu? Na, na am Yawe, ihinig Kayak, na am tutukkuib daattem. Na aɗi hettem, amu ele am genab tutukkuib. Ig na oɗen ii dim lamidmut, ⌊amunu na tutukku henana, bu mekkame⌋.

Revelesen 16:7

Anam a amu, da qaɗab amuppanu baag laa eewo doomi. Nug ewa aum. “Ao genab, Naɗi Kayak Nakka Ɠagattag Oh Ele, nahip epeɗia nob mattak am genab, tutukku ele,” awa aum.

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.

Rom 2:5

Kayak Nug na oot eɗukkunu oo daatte, amge na nakka na he nahip dabmak am ɠagattag eppak daye, na oot ii eɗutte. Kobol amuppa amu na nakka eheɗ hak nahip-ppa na Kayaknu oppoɗi bak na nidakkunu huana aakku qagmettem. Yo, deɗ laa Kayaknu oppoɗi bak miag atieb, Kayak Nug nuhig kobol tutukkuppa na epeɗitteb amu na geha nob nau aokkut.

Esekiel 33:20

Da Yawe, da anam hettem, amge O Israel buɗub, ag, “Naɗi hette amu, Nug nai doya mala hettoɗia epeɗia elele mettak kobol ii hette,” atteb. Ag anam atteb, amge da ag oh anen anen, ahilag hak antten epeɗiadkkul.’ ” Yawe Nug anam aum.

Esekiel 33:17

Da Yawe, da anam hekkul, amge Esekiel, nahipad huu laippu, ag Israel danab ah amu, ag inam atteb. “Naɗi hette amu, nuhig kobol amuam nai doya mala hettoɗia epeɗia elele mettak kobol iitta,” aon atteb. Ag atteb, amge ag hambubutteb. Dahil kobol am nai doya mala hettoɗia epeɗia elele mettak kobol aakku. Ag akka, ahilag kobol am anam iitta.

Esekiel 18:25

Amge ag atteb. ‘Naɗi hette amu, nuhig kobol amuam nai doya mala hettoɗia epeɗia elele mettak kobol iitta,’ aon atteb. Israel danab ah, ag dahil nai doyeg! Dahil hak am tutukkuib. Ahilag hak digdig am tutukku iitta.

Sam 99:4

O Yawe, na am king naɗinab. Na nai doya mala hettoɗia epeɗia elele mettak kobolnu oot mauhtte. Na epeɗia elele hak kobol Israel wanppa ɠagattag daakkunu qappame. Na Israel dilagppa, na nai doya mala hettoɗia epeɗia elele mettak kobol dim lamidnana, na genab tutukku hak kobol ele dim lamidme, na gemu ele dim lamidttem.

Sam 89:14

Nahip ɗo maɗoɗppa danab ah ag genab tutukkuib hak kobol waappa daan, nahip nai doya mala hettoɗia epeɗia elele mettak kobol waappa ele daan oitteb. Ao, na aɗi aɗi hettem amu, amuppa danab ah ag nahip oo mauhaknab kobol, oo metta ii uuak kobol nahip ele miagib anidtteb.

Job 40:8

Na da nai doya mala hettoɗia epeɗia elele mettak kobol ii dim lamidttemnu dabmena attemte? Ao, na nakka na hena, genab tutukku hak danab daakkutnu, na da naippa yaaiɗkkutte?

Job 40:2

“Laa nug da, Da Dakka Ɠagattag Oh Ele, nug da ele nai auɗ ona auɗ dotte ele amu, nug da daul ele batakkute? Ge, laa nug da, Kayak, nug da naippa yaaiɗtte amu, nug da mattiminu nob aakku da meɗaɗ!” awa aum.

Job 35:13

Am genab, Kayak Nug ahilag unuqittak haen amunuib ehanittak awaknu, dimppa Nug dim lamidkkulagnu ii dabmemana, Nug unuqittak amunu ii dabmette. Ge, Laa Nukka Ɠagattag Oh Ele Nug unuqittak amunu nakok laa ii dabmette.

Job 34:5

Job nug atte. ‘Da beɗulppa aab iitta, amge Kayak Nug dahilnu nai doya mala hettoɗia epeɗia elele mettak kobol ii dim lamitta, bu aakku diig iittappa da meɗatte.

Job 21:20

Danab nau hette, nugnab nug amegppa Kayak nugib heeb nauhkku anttaɗ! Ao, nugnab Laa Nukka Ɠagattag Oh Elenu bu awaɗ!

Job 21:15

Ag anam Nug amegppa anana, ag ele atteb. ‘Laa Nukka Ɠagattag Oh Ele, Nug am aun amunu, ig diig amunu Nug waappa daat, Nug oɗe dim lamidkkunig? Ao, ig Nug unuqidkkunig dayeb, diig amunu ig aɗi ehanittak aognig?’ aon atteb.

Job 19:7

Da, ‘Laa eheɗ heiɗtte,’ ettem, amge laa nug da ii ehaniɗtte. Ge, da laa nug ehaniɗkkunu ettem, amge laa nug amu doya, nai doya mala hettoɗia epeɗia elele mettak kobol dim ii lamidtte.

Job 10:3

Na danab ah eheɗ hadattem am ena doottemte? Ge, na aɗi aɗi na eppenppa heme ele eheɗ hadattem am enate? Na nau hak danab ag keeke laa hekkulagnu lokkumakppa doonna maittak eheɗ aon hetteb amu, na ahilagnu, “Ag ena hetteb,” doottem am enate?

Job 9:2

“Kayak Nug genab tutukku hak danab daatte ehanidtte amu, da doottem, amge danab ah oh, ag oolagppanu laa nug attemun genab tutukku hak danab Kayak noobppa daakku?

Job 4:17

Nug mattiaya inam aum. ‘Danab nug ah ooppanu doum ele amu, nuhig genab tutukku hak am Kayaknu genab tutukku hak eɗidkkunu elelete? Ge, danab nug ah ooppanu doum amu, oppia dayak nuhig am Kayak, nug heum ele amu, am nuhig oppia dayak eɗittak daakkunu elelete?

Job 36:3

Da dahil doyakppanu ig madittemnu doyak oh dahil, da amu naippa ippunidkkul; da Kayak Nug hanhan nai doya mala hettoɗia epeɗia elele mettak kobol aakkuib dim lamidtte ippunidkkul.

Job 36:23

Auntai laa nug Kayak ib attem dim lamidkkunu ippunittom? Laa anam iinab ippunittom. O iitta, auntai laa nug tutukku mattia, Kayak amegppa, ‘Na eheɗ heme,’ mattiom. Laa nug anam iinab mattiom.

Job 37:23

Laa Nukka Ɠagattag Oh Ele Nug ig eɗikka auta autanab aotte. Nug nuhig ɠagattag am okkainab ele. Nug nai doya mala hettoɗia epeɗia elele mettak kobol ele hanhan dim lamidtte. Nug aɗi hette ele amu, Nug genab tutukku hak kobolppaib hette amunu, Nug danab laa diig iittappa bu ii medatte.

Job 19:6

ag eheɗ dabmetteb. Kayak Nug dahilppa eheɗ he, da nein qein daattem; Nug nuhig uhuippa da awiɗom.