Job 7:9 - Nobonob Baibel

⁹ Lombig dayaya, iitta mette; amubia laa nug mauha, moɗppa notte ele, nug eɗua aha, bau ii daatte.

Job 7:9 Referans Kwoze

2 Samuel 14:14

Le wanppa gokkaɗe, iitta me, danab nug eɗua aokkun elele iitta, amubia ig oh mauhkkunigoitte, amge Kayak Nug haen oh danab mauhkkunu daatte he ii mauhtte. Iitta! Nug heeb, danab ah ag nuhigppanu uma daatteb ag eɗun dona, Nug gumidna daaglagnu ib maditte.

Sam 39:13

Da mauhen, wanppa ii daapa, amge da ii mauhmi, haen gamag imuppa amu, da eɗue, ool gamag ahak ele daakkulnu amu, na da baula bu ii iumnanu oɗ medattem.”

Job 30:15

Baɗak eheɗ nau da toniɗom daatte. Da dakka da dahilnu ena dookkulnu ib laa iittanab iitta. Ao, da ena, baɗak ele iitta daakkulnu ib laa iitta.

Job 16:22

Aɗinu? Maɗ kuɗum iitta, haen tutuib ukkeb, da mauhkkul. Ao, da mauhe, wan imu uuen, eɗuen ii uɗipa.

Job 10:21

Ao, haen elab iitta da wan imu uuen, da aben laa danab appanu eɗua ii uɗitte ele, da amuppa gokkul. Aben amuam aben gatatuib ele; am aben amahlak ii watte ele.

2 Samuel 12:23

Amge gemu nid amu aakku mauhom amunu, da tuɗitten, ee ohnu kud mein daakkulnu am ehanidkkute? Da heppi, nug mauhakppanu eɗua ahakkute? Da qinob nug daatteppa gokkul, amge nug dahilppa eɗua ii uɗima,” awa aum.

Aisaia 38:11

Da mauhen, da baula Yawenu uɗat okkai okkai wan imuppa ii anidpa. Da mauhen, da wan imuppan danab ah baula ii anadpa, danab ah gemu wan imuppa daatteb ele, da ag ele baula ii qagmemata.

Job 37:11

Kayak he, le lombig ambak daye, amemɗi huanak ele lombigppa daatte.

Job 11:8

Doyak Kayaknu amuam keeke laa hab eɗitta ta ukkak bia; na attem hena dookkut? Ge, doyak Kayaknu amuam bodok iitta, keeke Nami aab eɗitta noak bia; na attem hena dookkut?

Job 3:13

Da amu madittemnu diig am, anai nug anam ii helo amu, gemu da moɗppa maɗoɗ ele daalom. Ge, da moɗppa niieye, hik awen daalom.

Job 17:13

Da mauhak abenppanu am da laul daatte aakkuib dabmettem dayeb, da gatatu amuppa niikkulnu aakkuib dabmettem dayeb,

Job 17:16

Ena bekkunu dabmak aɗa oiyak am da ele oh moɗppa noɗa iite daagnih. Ao, ena bekkunu dabmak aɗa oiyak am da ele oh gappudppa iite daagnih?” Job nug nai amu mattiom.

Aisaia 26:14

Gemu danab okkai ig gumigppig ele amu, ag mauhppig. Ag laa ii daatteb, ag geha eɗun bau ii ahamna. Na bu mattae, ag nauhna autnanab aoeg, danab ah ag gemu danab amu onilag baula ii dabmetteb. Iitta.