Job 7:8 - Nobonob Baibel

⁸ Laa gemu nug amegppa da aniɗtte amu, haen elab iitta nug baula ii aniɗma; na da aniɗkkutnu neegkkut, amge da ii daapa.

Job 7:8 Referans Kwoze

Job 20:9

Laa ag nug anidppig, ag baula nug ii anidmana; mudippan laikkud ag nug baula ii anidmana.

Sam 37:36

amge haen elab iitta nug mauhom! Da nug mattimi, amge da nug ii anidmi!

Sam 39:11

Ig danab ah, ig hipunin heutut, na ig toligna, bu megattem. Dittuɗ laa lamen etaɗe nauhtte bia, na danab dilag en hee nauhtte. Ulah, danab noobppa eeɗtte ele, am keeke ɠagattag iitta. Ig ele anamib daattem. Sila.

Job 14:3

Danab oh am anam, amu na, Kayak, na danab oolagppan laa amubia genab dabmekkut-te? Ge, na laa amu onigppa genab eppe, na nug hettoɗidkkutnu na noomppa dokkute?

Job 13:27

Na da bael senppa qagattem. Na hanhan da adeppa adeppa gokkulnu hei, na neekkiɗna daattem. Na da laih gopanu, aben nakok laippuppa daakkulnu, na wanppa at laa mee, da aben amuppaib daakkulnunab daattem.

Job 8:18

Anam, amge danab o aɗi keeke laa uɗia hiɗe nauhtte, amubia danab ag Kayaknu, nuhig haknu ele uuak kobol dim lamidtteb amu, ag nauhtteb. Ge, ag daappig bia baula iinab daatteb.

2 Samuel 12:23

Amge gemu nid amu aakku mauhom amunu, da tuɗitten, ee ohnu kud mein daakkulnu am ehanidkkute? Da heppi, nug mauhakppanu eɗua ahakkute? Da qinob nug daatteppa gokkul, amge nug dahilppa eɗua ii uɗima,” awa aum.

Job 3:13

Da amu madittemnu diig am, anai nug anam ii helo amu, gemu da moɗppa maɗoɗ ele daalom. Ge, da moɗppa niieye, hik awen daalom.

Job 7:21

O Kayak, dahil hipunin uhuqna ii meɗattemnu diig amu, da ool ii maidtte. Ao, na eheɗ hak dahil uhuqna ii meɗattemnu diig am, da ii doottem. Aɗinu? Haen elab iitta da mauhen, wanppa niikkul. Ge, da anam heppi, na aniɗkkutnu mattiɗkkut, amge na ii aniɗmana.” Job nug anam aum.

Job 27:19

Nug en okkai ele dayaya, tuqan niiak balal attan ukka qa niitte, amge baula anam ii hema; nug buttua aha, en oh iitta meum anidkku.

Job 14:10

Adnu am anam, amge ig danab, ig mauhut, ig beɗunig balalppa aakku niitte. Ao, ig danab ah, ig hik aot autta awota, ig adeppa daattem?

Job 20:8

Nug dayaya, danab tul niia, wagɗe buttua tul niiom daug atitte, amubia nau hak danab nug iitta ma qettoɗtte; ii daatte. Ge, danab tulegleg anitte, iitta mette, amubia nau hak danab nug iitta mette.

Sam 103:16

Ulah nug bala iwale, iitta metteb; aben amuppa bala appa ii daappig bia daatte. ⌊Ig ele amubia daattem.⌋