Job 7:6 - Nobonob Baibel

⁶ Da aakku mauhkkulnu hei, dahil haen miagnab doum daatte. Da haen elab ii daapa, da paha mauhkkul; da mauhkkulnu hein dayeye, da eɗuen, ena bekkulnu dabmak aɗe iinab oittem.

Job 7:6 Referans Kwoze

Job 9:25

Dahil bau dayaknu haen am paha iitta mette; da gamag ahak nakok laa ii dooiyi, dahil bau dayaknu haen paha gogppa tekkunu tette.

Job 17:15

da attem hein, butti haen adekku da ena bekkulnu dabmak aɗe oikkul? Ao, auntai laa nug dahilnu, ‘Nug eɗua ena ba oikku,’ dabmak aɗa oikkunu elele?

1 Pita 1:24

Kayak naippa nai amunu inam daatte. “Danab oh ag gikkiɗah bia daatteb, binag amahlak oppiaawak ele ahilkad am bala haɗag bia daatte. Gikkiɗah qaɗaiedatte, haɗag oh mauɗna, nena qetteb,

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Sam 144:4

Amu danab nug ulah laippu noobppa aotte amu, ulah awak amuam haen tutuib doawa, eɗua dimittim gotte; am danab ah ig amu, ig amubia daattem. Ig haen tutuib daattem. Ihinig haen dayaknu am keeke itotog laa haen tutu dayowa qettoɗtte, am amubia daatte.

Job 17:11

Da mauhkkulnu hettem. Da aɗi keeke laa hekkulnu maittak aomi amu, maittak amu oh na qeum niitte. Dahil oo hak ele anamib.

Jems 4:14

Ag aɗi keeke butti bekku amu ag ii dootteb. Ahilag bau dayak haen imu attemnab daatte am ag doottebte? Ag am buttuɗai aha, nakoknab dayowa iitta mette bia. Ahilag bau dayak haen anam biaib daatte.

Jems 1:11

Ig doottem, aam nug naɗi ma, na he, bala mauɗe, nug haɗag na qe, nuhig bala anttak aakku nauhtte. Amubia enub danab nug uɗat nuhig haaha dayaya mauhkku; ⌊nuhig keeke ii ehanitteb, nug tuɗid bau daakku⌋.

Epesus 2:12

Haen amuppa amu ag umanab Kristus iittappa daadttappig. Ag Israel baekkudppa ele ii daadttappig. Kayak Nug he, Nug Israel ag ele nug tituanna nai qakkan, Kayak Nug Israel ag nuhikkud daan, keeke ena laala ele aoglagnu nai qakka aum, amge ag iitta aɗi ag amu ooppa ii daadttappig. Ag wan imuppa daappig amu, ag keeke ena laa dimppa bekkunu ameg mak ele ii daappig. Iitta. Ag hamu daappig. Ag Kayak ele ii dooppig, umanab daappig.

Sam 102:11

Da bau dayak dahil am tueb itotog paha iitta mette bia hette. Da gikkiɗah qaɗaiedatte bia hettem.

Job 16:22

Aɗinu? Maɗ kuɗum iitta, haen tutuib ukkeb, da mauhkkul. Ao, da mauhe, wan imu uuen, eɗuen ii uɗipa.

Job 13:15

Da amu hekkulnu diig am inam. Kayak heeb, da mauhkkultai, amge anam bekkunulob, da Nug ehaniɗeb, da eɗuen ena daakkulnu dabmak aɗe daattem; da Nug amegppanab da dahilnu nai madippi, Nug dookku oolppa genab doottem.

Job 6:11

Dahilppa keeke ena laa bekkunu dabmak aɗe oikkulnu ɠagattag laa dahilppa ii daatte. Ao, da keeke ena laa dahilppa bekkunu oolppa maɗoɗ ele dayeye, ameg mekkulnu amu, da amunu nakok laa dabmekkulnu ii doottem.

Jeremaia 2:25

Anam amu da ami. “O ag Israel, ag eheɗ amu hekkulagnu aib qaiettan gonana, ag baalag qaɗaietteb, baelag gaɗa ele nauhom,” ami. Da anam ami, amge ag appig. “Iitta. Ig ib laa iitta. Hakib hekkunig. Ig kayak hambuppuak laihnu awadkkunignu oonig mauhtte amunu, ig ib amuib dim lamidkkunigoitte,” aon appig.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

Job 14:19

Le heehe, men oɗe daatteb. Ao, le wan ele mawa gotte. Anam amu, amubia na danab ag ⌊bau daaglagnu keeke aoglagnu⌋ dabmak aɗan oitteb ele amu, na he, dabmak amu iitta mette.

Job 17:16

Ena bekkunu dabmak aɗa oiyak am da ele oh moɗppa noɗa iite daagnih. Ao, ena bekkunu dabmak aɗa oiyak am da ele oh gappudppa iite daagnih?” Job nug nai amu mattiom.

Job 19:10

Kayak Nug kekeɗ ag aab heeg nauhtte bia he, da nauhe aute autenab aottem; da iitta memi. Ao, Nug he, da eɗuen, ena bekkulnu dabmak aɗe oikkulnu elele iitta; danab ad gaɗa tole, eɗua ena ii daatte bia.

Job 17:1

Da eɗuen, ena daakkulnu dabmak iinab awe aɗattem. Ao, dahil haen am tutu okkulom daatte. Ge, da moɗppa gokkulnu hettem.