Job 7:2 - Nobonob Baibel

² Ig begbeg maɗi nid laa, nug laanu uɗat huana haaha, tueb meeb, hik awa daakkunu oo huana hette bia daattem. Ao, ig laa nug laanu uɗat nid, nug uɗat haaha, nuhig daden aokkunu oo huana hette bia daattem.

Job 7:2 Referans Kwoze

Lewitikas 19:13

Ag aib lokkumak kobol eheɗppa ahilkad mudippan laippu, ahilkad keeke aoppig. Ahilag keeke ele aib yab aoppig. Ag haen oh ahilkad uɗat nid ag uɗat heppignu nob, daden ⌊elele⌋ haenppa matteg!

Duteronomi 24:15

Nug am daɗek, amunu nug ee, amu keeke laala ele daden mekkunu, nug men doɗonu oo daatte. Anam amunu na uɗat hak nob nuhig deɗ ohppa uu-ii-doobob medakkut. Na anam ii hekkut dayeb amu, danab amu nug hak amunu Yawenu gayeb, hipuninnu aab na beɗunppa daakku.

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Jeremaia 6:4

Kekeɗ dilag okkai ag daup ahilkad amelagppa akkulag. ‘Ag ban hekkulagnu babaitteg! Ahappeg, ig aam ameg tutukkuppa ban hekkunig!’ akkulag. Ag anam akkulag, amge haen ukkeb, ag eɗun, akkulag. ‘Ihinignu am gadon. Aɗinu? Haen malom. Gemunu amahlak iitta mette. Ao, uudoum, gatatu nekkunu hette.

Sam 143:6

Da na guguittaknab daakkulnu ool ahak ele daattem. Ao, atu qaɗaiettakppanab danab laa le baag diie, nug le aokkunu oo okkai daatte, amubia da na guguitten daakkulnu ool okkai daatte. Sila.

Sam 119:131

Da genab nahip ɗo doolomnu ool huanaknab daye ⌊amu hekkulnu uɗat okkainab⌋ hettem amunu, da danab uɗat huana haaha, hik qette bia heinne daattem.

Genesis 34:8

Anam aakku, amge Hamor nug ag amelagppa aum. “Dahil nid danab Sekem, nug Daina aokkunu oo naɗi daatte. Anam amunu, da ag Daina, nuhig ah daakkunu Sekem mettaglagnu oɗ madattem.

Job 7:1

Ig danab ig wanppa daat oittem amu, ig heɗiag hetata ele iite daattem? Ge, ig danab wanppa daattem, ig uɗat ɠagattag, danabnu uɗat nid nuhig uɗat hette, ig amubia wanppa daatta, iite hettem?

Job 7:3

Anam, amge ⌊Kayak he,⌋ da kalam kuɗum iikku keeke ena laa hekkulnu elele iitta daattem. Ao, ⌊Nug he,⌋ da tuqan kuɗum beɗulppa, dabmakppa ele guittak okkai doyeye daattem.

Jona 4:6

Aria, Jona nug anam dayeye, Yawe Kayak Nug he, aam Jona qemanu, Jona ena daakkunu, atuppan muɗi laa beum. Be amu, Jona nug muɗi amunu gamagnab ahom.