Job 5:3 - Nobonob Baibel

³ Da dakka, da deɗ laala anidmi. Danab nug Kayak dab-ii-maama ii dim lamidtte ele nug ɠagattag, ena ele daakkunu bette; amge laippun nug baegppan ele ag eheɗ laa awaknu anak waappa daan nauheg anidmi.

Job 5:3 Referans Kwoze

Aposel 1:20

Aria, Pita nug tuɗitta inam ele aum. “Kayak Ouɗi Nug Judas anam hekkunu doya amu Nug he, Judasnu nai imu Dawit oɗeppa be, buk Samppa inam yaak daatte. ‘Na heppe, nuhig aben hamu, danab ah iitta daakkunu oɗ medattem. Ao, na heppe, auntai laa appa ii daamanu unuqidttem.’ Amu Sam laappa yaak daatte, amuam, ‘Na heppe, laa nug ikki danab daakkunu uɗat nuhig awa daakkunu unuqidttem.’

Sam 92:7

Dabmak ag ii dootteb ele amu inam. Nau hak danab ag gikkiɗah enanag bette, amubia betteb. Yo, danab ah ag nau hetteb ele, ag enanag anam betteb. Amge ag padal mena autna aoglag.

Sam 69:25

Na heppe, ahilag aben am hamu, danab ah iitta daakkunu oɗ medattem. Ao, na heppe, ahilkad pehppa auntai laa amuppa ii daamanu unuqidttem.

Job 27:8

Aɗinu? Danab nug Kayaknu nuhig haknu ele uuak danab daatte ele nug mauha, eɗua ena bekkunu dabmak aɗa oiyaknu ib laa iitta; Kayak Nug he, nug mauhtte, amu dimppa nug eɗua, ena daakkunu dabmak aokkunu elele iitta.

Job 24:18

⌊O lailad, ag mattin, inam atteb.⌋ ‘Nau hak danab ag amu hetteb ele ag am le hipaɗ le qaɗeppa daatte bia daan, ⌊pahanab iitta metteb⌋. Ahilag wan am eheɗ laa awaknu anak waappa daye, appa laa grep meu aokkunu grep dadppa ii gotte. Iitta.

Sam 37:22

Amu Yawe Nug danab ah itadtte ele amu, ag geha ag aulag wan imu aɗan daaglag, amge nug laa ag eheɗ laa awaknu anak waappa daaglagnu atte, ag mauhkkulag.