Job 5:2 - Nobonob Baibel

² Danab nug Kayak dab-ii-maama ii dim lamidtte ele, nug laanu oo elele ii doyak ge iitta doyeye, kobol amu nug he nauhtte. Ao, danab nug doyak ii awak ele nug laan keekenu ameg qe, oo elele ii daatte, kobol amu he, nug mauhtte.

Job 5:2 Referans Kwoze

Eklisiastis 7:9

Danab ag Kayak dab-ii-menan ii dim lamidtteb ele, ag ahilag kobol am ag paha paha oolag nauhtte; amunu na amubia aib heme! Na paha paha oot nauhmanu dabme!

Rom 2:8

Amge danab laala ag akka ahilagnu dabmenana, ag doyak diig genabib dimettan, kobol eheɗ, amuib dim lamidtteb ele amu, geha Kayaknu oppoɗi bak aqeb, ag nob naunab aoglag.

Hosea 7:11

Israel danab ah ag am ai kaaka ag aɗi keekenu oolag hette aolobnu, ag watteb, dotteb henana oitteb, amubia Israel ag hetteb. Tatam amu ag Isip dilagppa ehanittak aoglagnu oɗ meppig; appanu amu, ag Asiria dilagppa, ehanittak aoglagnu goppig.

Prowerb 12:16

Danab ag Kayak dab-ii-menan ii dim lamidtteb ele ag laa aɗi ag oolag ii hette heeg, ag laippun oo nauhak dootteb; amge danab nug eheɗ bemanu dabmak awa dabmak amu dim lamittak kobol dim lamidtte amu, nug laa ag awa awa qettak nai nuhignu atteb, nug amunu ii dabmette.

Sam 107:17

Danab ah laala ag Kayak dab-ii-menan ii dim lamidna, ag Yawe Nai aum amu tappaeg ne, ag Nug dimedappig Ag hipunin henan, ag uug aoppig.

Sam 92:6

Am danab ah ag dabmak pehettak ii aon oitteb ele ag imu ii dootteb. Ao, danab ah ag Kayak dab-ii-menan ii dim lamidtteb ele ag dabmak imunu diignu doyak tutukku laa iitta.

Sam 75:4

Da beɗuppa tak danab amelagppa, ‘Ag anen anen akka akka ag ahilagnu binalag mak kobol uueg!’ awe attem. Ao, da nau hak danab dilag amu, da, ‘Ag ahilkad bannu keekeppa ban aib heppig!’ awe attem.

Sam 14:1

Am danab ag Kayak dab-ii-menan ii dim lamidtteb ele ag akka ag oolagppa, “Kayak laa ii daatte,” atteb. Danab amu ag diilkad ena iitta, kobol ag hetteb am kobol uɗig wak ele. Auntai laa ena ii hette!

Job 18:4

Na oot huana nauhehe, na nakka na guittak okkainab na medattem. Ao, na ena daakkutnu danab laa oh wanppanu ahaglagoittete? Ge, na ena daakkutnu laa men oh ag abenlagppanu aon, laih mekkulagoittete?

Genesis 30:1

Haen Rahel nug ah mattoi oiya, Jakop nid ii metta antta, nug Leanu, dahilppa anam daalon dabmak aɗa daya, nug Jakop amegppa aum. “Na nid meɗe! Iitta amu, da mauhkkul,” awa aum.

2 Timoti 3:6

Danab amunu laala ag haen oh oqeqaɗakppa ah dabmak tutukku iitta ele laulkadppa tena, hambuppualadna heeg, ah amu ag amu ag danab amu dilag dabmak dim lamidtteb. Ah amu, ahilag oiyakppa ag hipunin digdig heegeg, beɗulkadppa aab daye, ag beɗunu oo gamag ahak kobol eheɗ oh dilag eeɗak doon, amu dim lamidkkulagnu dabmak aotteb.

Jona 4:9

Nug anam aum, amge Kayak Nug Jona amegppa inam aum. “Na muɗi bunaɗom, na amunu oot nauhtte am enate?” A amu Jona nug aum. “Da ool nauhtte am ena. Da ool nauhe, guittak bia doottem amunu, da mauhkkul am ena,” awa aum.

Prowerb 8:5

Ag laa ag doyak ii awak ele amu, ag ⌊dahilppanu⌋ eheɗ bemanu dabmak awa dabmak amu dim lamittak kobol doon aon oiyeg! Ao, ag laa ag dabmak tutukku iittappa keeke hetteb ele, ag diignu doyak tutukku aweg!

Prowerb 27:3

Men ag uulkad ele, ihi ele nug uug ele, danab maokkunu am uug dootte; amge danab nug Kayak dab-ii-maama ii dim lamidtte ele nug he, uug bette amu, danab uug amu maokkunu am uug naunab dootte.

Genesis 38:9

Anam aum, amge Onan nug nid amu nug nuhig ii daama doya, nug uua he, nug awag wau ele nug oo ele dayaknu tutukku ii oipiɗ. Nug awag buɗub humakkunu oo ii dayom.

Prowerb 19:16

Aun laa nug Yawenu ippunittak nai doya dim lamidtte ele, nug nukka nug bauklel nuhig dabma auta aotte; amge aun nug Yawe oɗe ii dim lamidtte, nug mauhkku.

Prowerb 19:19

Danab nug paha paha oppoɗi beebe, eheɗ hettenu amu, na uuppe bu awaɗ; amunu diig am, na nug bu aomanu ehanidkkut dayeb amu, na eɗun nug baubau ehanidkkutnu daakkut!