Job 4:8 - Nobonob Baibel

⁸ Da neekki ukke anidttem am iikku. Danab aɗi aeg ebatte, nug meu anamib aotte. Anam amu, amubia danab nug eheɗ hette, nug eheɗ hak nuhigppa meu nau aotte. Ge, amubia laa nug hipunin haaha daatte amu, nug hipunin hak nuhigppa meu nau aotte.

Job 4:8 Referans Kwoze

Prowerb 22:8

Laa nug nau hette amu, nug uug anidkku; nug oppoɗi beebe, laa guittak madakkunu hette amu, Yawe Nug heeb, nug amu hekkunu elele iitta daakku.

Hosea 8:7

Israel danab ah ag kobol nau huanak hetteb amunu, ag geha bu naunab aoglag. Amuam laa nug ulah eppalo, amge meu awak haenppa nug ulah kilibob aolo, amubia. Geha bu qak Israel danab ah dilag, amuam ee nug ena ii bema, meu ele ii oma. Meu laa ololob amu, wan laihnu danab ag akkan lalob.

2 Korint 9:6

Amge ag imu tutukku anidna doyeg! Danab nug ee tumu kuɗum ii ebatte, nug ee kuɗum ii aotte. Aria danab nug kuɗum ebatte, nug kuɗum aotte.

Jeremaia 4:18

O Juda danab ah, ag eheɗ henan daappig amunu, ag beɗulagppa uug imu ahilagppa bekku. Imuam ahilag bu awak aakku. O gadonnab gadon, am mua naunab ele. Bu amuam ag meulagnab guittak medakku.” Yawe Nug anam awa atte.

Job 15:35

Nau hak danab ag kobol nau hekkulagnu dabmak aon oitteb. Ag eheɗ hetteb. Ge, hambuppuak kobol ag oolagppa daatte.” Elipas nug Job amegppa mattia, anam aum.

Job 15:31

Nau hak danab nug keeke diig iitta elenu ooppa genab dootte, amge nug amubia aib heum. Aɗinu? Nug amu hekku dayeb amu, nug meu laa ii anidma.

Prowerb 1:31

Ag amu heppig amunu, ag ahilag oiyaknu meu heeg beum, am meu nau ninig ele amu, ag aakku lakkulag. Ao, ag keeke laala hekkulagnu lokkumakppa dabmena, maittak eheɗ aoppig amu, maittak amunu meu nau, ninig ele, ag lappeg, oolag didikku.