Job 4:7 - Nobonob Baibel

⁷ Na imuam dabmekkutoitte. Laa nug beɗuppa genab aab iitta ele amu, nug hamu mauhkkute? Ge, genab tutukku hak danab adekkutai nug kekeɗ heeg nauhomte? ⌊Dahil dabmakppa am iitta.⌋

Job 4:7 Referans Kwoze

Sam 37:25

Anukka da nid bau daami, gemu da kaino memi, amge Yawe Nug genab tutukku hak danab laa uuitte, nukka hamu dayeye ii anidmi. Genab, da nid naunau ahilkad ag enug aqe, ag laa eenu unuqak uɗat heegeg ele ii anidmi.

2 Pita 2:9

Aria, Kayak Nug amu oh ahilagnu anam heum amunu, Nug danab ag Nug noobppa genab tutukku hak danab daatteb amu, Naɗi Nug ag uug oh, ahilagppa betteb amu amuppanu diia atognoadkkunu doya auta awawa, Nug danab ag Nug noobppa genab tutukku hak danab iitta ele, Nug ag diia, nob nau awaknu hettoɗiak haen ameg mena daaglagnu maadkkunu ele doya auta aotte.

Job 36:7

Nug genab tutukku hak danab hanhan dabmadatte. Ao, Nug he, ag king ele sia kingppa daan, ag danab okkai hanhan daatteb.

Aposel 28:4

Mat Pol eppegppa anam ha dayeye, nud amuppanu danab ah ag mat amu Pol eppeg emala, ilul ewa daye anidna, ag akka akka ahilag dabmakppanu madippig. “Danab umu nug amu danab laa qe mauhom bia doottem. Amuppa nug nob awa mauhkkunu dayom, amge nug yuppa ii mauhom. Yuppa ii mauhom, amge geha nug Kayaknu nob mettak qe-eɗidkkunu elele iitta,” aon appig.

Job 8:20

Ig doottem, Kayak Nug danab nug nuhig neekkakppa danab ooppa kaliak laa iitta ele ii geɗidtte; Nug danab eheɗ hette ele ii ehanidtte.

Eklisiastis 7:15

Amu da bau wanppa daye, da gaɗappa, unuqagppa ele anttak laippu iittanu oiyak dahil imuppa oiyeye, da keeke aɗit anidmi. Laa am genab tutukku hak danab nug genab tutukku hak kobol haaha oitte, amge nug paha mauhtte; laa am nau hak danab nug nau hak haaha oitte, amge nug paha ii mauhtte. Iitta. Nug haen elab bau dayaya, wanppa oitte.

Job 36:6

Nug he, nau hak danab ag bau ii daatteb; Nug laa ag onilag, enulag ele iitta, Nug ahilagnu nai doya mala hettoɗia epeɗia elele mettak kobol dim lamidtte.