Job 4:4 - Nobonob Baibel

⁴ Haen kuɗum na laa ag nena qekkulagnu heegeg, na nai ena matte, ag nena ii qeppig. Ao, na laa ag danab gateg nau ele oikkunu haaha, elele iitta dootte bia daan ehanatte, ag ehanittak nahip amuppa ɠagattag aon daappig.

Job 4:4 Referans Kwoze

Hibru 12:12

Anam amunu ag danab nug eppegte, iitta nug gategte gai-iitta meum ɠagattag qedatte, amubia ag akka ɠagattag aqeg!

1 Tesalonaika 5:14

O lainkad, ig nai baula tuɗidta, ahilkad dabmak maɗettagnignu ag amelagppa iikku attem. Danab ag bahi yaak doonna, hamu uɗat iitta oitteb ele amu, ag nau aomnanu nai ag amelagppa aig! Laa oo baɗak dootteb amu, ag ɠagattag aqeg! Ag laa ag ɠagattag iitta amu, ag ehanatteg! Danab oh dilagnu amu, ag dagom kobol dim lamidna oiyeg!

Prowerb 12:18

Nai mauhnoak, dabmak iitta ele mattiak am laa nug layag qep-ppa yaatte bia hette; amge danab doyak dabmak ena ele, nug amunu nai maditte amu, nug laa ehanadtte.

Sam 145:14

Yawe Nug danab ah ag nena qeppig ele, Nug ehanatte, ag eɗun hippaidtteb. Yo, Nug danab ah ag uug dootteb ele, Nug ag ehanadtte.

2 Korint 7:6

Amge Kayak, Nug danab oo uug ele oo mak medatte amu, Nug he, Taitus gumikka uɗie, amuppa ig oonigppa oo mak doomut.

2 Korint 2:7

Amunu uug naunab danab amu tonamanu, ag bu mettak amu uuna, ag nuhig hipunin amu uhuqna mettan, ag oo mekkunu nug oo aweg!

Daniel 5:6

King nug amu antta, nug eheɗ baɗe, iɗu hakkab eppe, baeg eheɗ hahaɗe, gateg laih ona laih qeeqe, gateg laih uɗia, laih qeeqe, baeg laih laih oh gai-iitta meum.

Job 4:3

Na heppe, danab ah kuɗum na ehanadnana, ulum nai ena mattame dautppa doaɗ! Ge, danab ah kuɗum ag gai-iitta daaegeg ehanatte, eɗun ɠagattag daappig ele dautppa doaɗ!

Job 4:5

Na ag anam ehanadme, amge gemu uug laa nahip-ppa be, nahip dabmak am qe nak daatte. Yo, uug amu na nitte, na oot uug nau qak daatte.

Job 29:11

Am laa nug dahil nai doyom, nug diig amunu dahilnu enaib mattiom. Ao, laa nug da aniɗom, nug diig amunu dahilnu, ‘Nug enaib hette,’ aum.

Job 29:25

Haen amuppa amu, da ahilag okkai dayeye, da ib ippunadmi. Ao, da king laa, nuhikkud daup oolagppa daatte, da amubia ag oolagppa daami. Ge, da laa nug laikkud laa ag mahiak henan daaeg, nug ag oolag ɠagattag qedatte, da amubia ag oolagppa daami.

Prowerb 25:11

Nai tutukku hanebppanab mattiak; amuam keeke gol, silwa eleppa hak, anttaknu enanag, amubia.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.