Job 4:21 - Nobonob Baibel

²¹ Danab nug peh nuhig awa ukka, laih mekkunu peh taiettaknu tutuɗ wanppanu hiɗa aotte, amubia danab ag anilkad oolagppan dona, eɗun iite mauhtteb. Ge, ag doyak dabmak ena ele iitta iite mauhtteb.’

Job 4:21 Referans Kwoze

Job 36:12

Amge Kayak Nug ag daulag bate, ag dooglagnu uutteb dayeb, ag qep elabppa mauhkkulag. Ao, ag doyak iitta ele mauhkkulag.

Job 8:22

Nug heeb, nahip kekeɗ ag uɗa nak naunab dooglag. Ao, Nug heeb, eheɗ hak danab ag baula ii daamna.” Bildad nug Job amegppa anam mattia aum.

Jems 1:11

Ig doottem, aam nug naɗi ma, na he, bala mauɗe, nug haɗag na qe, nuhig bala anttak aakku nauhtte. Amubia enub danab nug uɗat nuhig haaha dayaya mauhkku; ⌊nuhig keeke ii ehanitteb, nug tuɗid bau daakku⌋.

Luk 12:20

Nug dabmak nuhigppa anam aum, amge Kayak Nug amegppa aum. ‘Na am Kayak dab-ii-maama ii dim lamittak danab! Gemu tuqan imuppanab amu, na mauhkkut. Anam am, keeke oh na bappaidme daatte amu, aun nug aokku,’ awa aum?”

Aisaia 14:16

Danab ah mauhppig, ag amelag behabe, neekkidnana, ag nahip-ppa keeke beumnu dabmena, ⌊ag akka akka nug oɗ medatteb⌋. “Danab imute nug he, wan uɗalom. Danab imute nug he, wanppan wan anen anen ag hahaɗppig?

Aisaia 2:22

Danab oh ag wanppa haen elab ii daatteb, ag haen tutuib daan mauhtteb, ag danabib daatteb amunu, ag danab laanu, nug ag ehanadkkunu aib oolagppa genab dooppig.

Sam 49:20

Danab ah ag bau daanna, enulag naɗi ele daatteb, amge ag diignu doyak tutukku iitta ele amu, ag doɗ mauhttebbia daatteb.

Sam 49:14

Danab ah amu amu, ahilag gumak danab Mauhak, nug omalattebeb, ag sipsip mauhtteb bia mauhna, moɗppa gokkulag. Butti aɗi, Kayak Nug genab tutukku hak danab ah ehanattak haenppa amu, haen amuppa genab tutukku hak danab ah ag gumadkkulag. Danab ah amu ag mauhppeg, beɗulag moɗppa beɗakku. Ag laulkad ena ena amuppa ii daamna. Moɗ ahilkad amu, ag laulkad guguittak ii daamna.

Sam 39:11

Ig danab ah, ig hipunin heutut, na ig toligna, bu megattem. Dittuɗ laa lamen etaɗe nauhtte bia, na danab dilag en hee nauhtte. Ulah, danab noobppa eeɗtte ele, am keeke ɠagattag iitta. Ig ele anamib daattem. Sila.

Sam 39:5

Na he, dahil bau dayak haen am tutunab daatte. Nahip neekkakppa, da wanppa bau daattem, bau dayak amunu digma ukka, gogppa tak am keeke ii ba ukkom bia daatte. Ao, danab ah dilag bau dayak haen am tutunab; amuam danab laa nug hik tutuib haen laippuib awom bia daatte.” Sila.

Job 18:21

Kobol amu oh am eheɗ hak danab dilagppa betteb. Ao, danab ag Kayak dimettan, dim ii lamidtteb ele, ahilagppa anam betteb.” Bildad nug anam aum.

Prowerb 5:23

Nug tolittak aokkunu uua oiyaya, nukka nuhig oiyak ii atognoum amunu, nug mauhkku; nug dabmak tutukku ii awa, Kayak dab-ii-maama hak kobol amuib dim lamittom.

Job 32:9

Kaino ag doyak dabmak ena ele, amge agib iitta. Ao, laa haen elab wanppa oippig, ag aɗi kobol am genab tutukku, ag amu dootteb, amge ag aakkuib iitta.