Job 4:10 - Nobonob Baibel

¹⁰ ⌊Danab nau hetteb ele ag am laion bia.⌋ Laion ag doɗ ɠagattag, ag baalagppa liɗimtteb, oɗelagppa ele gaatteb, amge laion bau, ag ele nauhtteb.

Job 4:10 Referans Kwoze

Sam 58:6

O Kayak, nau hak danab ag ban hak doɗ laa bia daatteb. Na heppe, ag ⌊ɠagattag iitta,⌋ doɗ laa aekkud qiialattak ele bia daaglagnu oɗ medattem. Ao, O Yawe, na heppe, nau hak danab ag ⌊ɠagattag iitta,⌋ laion bau aekkud kaulak ele bia daaglagnu na unuqidttem!

Prowerb 30:14

Ag doɗ laa ag aelkad qep elab aeg hawaɗ ele bia, ag amubia daatteb. Ao, ag doɗ laa nug hippegppa qep qataqak daatteb, ag amubia daatteb. Ag doɗ nau amu ag lailkad aqaeg mauhtteb bia, ag daɗek danab eheɗ hadappeg, ag wanppa ii daamnanu hetteb. Ao, doɗ nau amu ag lailkad aqaeg mauhtteb bia, ag laa ag keekenu tutu mak daatteb eheɗ hadappeg, ag danab ah oolagppa baula ii daamnanu hetteb.

Sam 57:4

Dahil kekeɗ ag da taliliɗppig daatteb. Da am danab nug laion ag enug aqak ele, ag nug talilidppig daatteb, da amubia daattem. Ao, dahil kekeɗ ag laion doɗ laa laatteg iitta metteb bia, ag danab ah hattaeg nauhtteb. Ge, kekeɗ dahil ag laion bia, ag aelkad am lat doɗo bia, lemaɗulkad amu qep elab bia.

Sam 3:7

O Yawe, na ahan ⌊ehaniɗkkutnu⌋ oɗ medattem. Ao, O Kayak dahil, da nauhpanu awiɗkkutnu unuqidttem! ⌊O Yawe,⌋ na kekeɗ dahilad oh iɗulag mataɗadkkutnu oɗ medattem. Ao, na nau hak danab aelkad maduduadkkutnu unuqidttem!

Job 29:17

Da hei, nau hak danab ag ahilag kobolppa eheɗ hekkulagnu elele iitta daappig, danab nug qai aeg qiia aotte, amubia. Ao, da laa nau hak danab eppelagppa daappig ele ehanatti, ag uhuqak aoppig.

Job 5:15

Kayak Nug daɗek ehanatte, laa naippa eheɗ hattaglagnu hetteb ele eppelagppa ii daatteb. Ge, Nug he, daɗek ag danab ɠagattag eppelagppa ii daatteb.

Sam 58:7

Na heppe, ag le wan qaɗaiettakppa noa iitta mette bia iitta mekkulagnu oɗ medattem. Ao, na heppe, ag eppelagppa bannu keeke aɗatteb amu, keeke amuam hamu bia daakkunu unuqidttem.