Job 32:3 - Nobonob Baibel

³ Nug Jobnu oo nauhe amu, Job laikkud ewam ag Job eheɗ heum anan, nai amuppa nug yaappig, amge ag Jobnu nai qeppeg nekkunu ib laa ii anidppig amunu, nug amu dilag ele oo nauhom.

Job 32:3 Referans Kwoze

Job 8:6

na ootppa oppiak ele daan, genab tutukku hak kobol dim lamidna oikkut dayeb amu, diig amunu Kayak Nug ehanidkkunu ahakku. Ao, Nug heeb, na daalom bia eɗun daakkut.

Aposel 24:13

Amu gemu ag nai da beɗulppa yaan maditteb amu, ag heppeg, na nai diig aakku am genab anidkkutnu laa iitta.

Aposel 24:5

Danab imu ig nug anidmut. Nug eheɗ kuɗum he bette. Nug wan atu ohppa Juda dilagppa nug he, Juda ag ahan nug qak bia hetteb. Aria huu ena iitta laa, ag amunu Nasaret huu aon atteb amu, danab imu nug ahilag anuqak danab laa daatte.

Job 32:1

Job nug anam ana mala, nug nukka nug nuhig neekkakppa nug am genab tutukku hak danab daya dabmeum amunu, nug laikkud ewam eɗun nob mekkulagnu uuppig. Ag nai laa Job amegppa baula ii madippig.

Job 24:25

⌊amge dahil nainu amu, dahil nai am ahilag nai am hambuppuak ippunigtte.⌋ Anam ii daatte dayeb amu, laa nug anam ippuniɗaɗ! Ge, laa nug dahil nai am nai hamu heeb, miag atiaɗ!” Job nug anam aum.

Job 15:34

Nau hak danab ag ad, o grep muɗi amubia daaglag. Aɗinu? Danab ag Kayaknu nuhig haknu ele uuak dootteb ele, ag hamu, keeke iitta ele daaglag. Ao, laa ag lokkumakppa eheɗ haknu ehanittak aoglagnu doon autna aotteb ele amu, aab am ahilag keeke oh ewa maleb, ag hamu, keeke iitta ele daaglag.

Job 32:2

Danab ewam amu ag aakku anam heppig, amge Bus buɗubppan danab, nug Barakel bekka Elihu, nug Ram buɗub, nug Job ii daye daye, “Da eheɗ laa ii hemi,” ana, nug, “Kayak bu meɗatte am, Nug tutukku hette,” ii a doya, nug Jobnu oo huana nauhom.

Job 32:4

Danab ewam, Job laikkud amu, ag nai mattiegeg, Elihu dayom, amge nug am nid bau, danab ewam amu ag am danab maɗ ahilag am nuhig eɗittom amunu, Elihu nug paha Job amegppa nai ii mattiom. Danab ewam amu madippeg doya, dimppa nai madikkun dabmaama, amelag meum.

Job 42:7

Yawe Nug Job amegppa nai amu oh mattia mala, dimppa Nug Teman ted Elipas amegppa aum. “Da nahipnu, na laipaɗ dilahnu ele ool nauhtte. Aɗinu? Ag dahil maɗi nid Job, nug dahilnu nai tutukku mattiom bia ii madippig. Ag eheɗ madippig.