Job 3:4 - Nobonob Baibel

⁴ Deɗ amunu amu, gatatuib deɗ amu tonakkunu ool daatte. Ao, Kayak hab attan daatte, Nug deɗ amunu, ‘Deɗ ena,’ ii dabmemanu ool daatte. Ge, deɗ amuppa amahlak ii daamanu ool daatte.

Job 3:4 Referans Kwoze

Revelesen 16:10

Anam daaegeg amu, engel ebqak 5 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, doɗ dakkuɗnu sia kingppa no, gatatu laa doɗ dakkuɗ amu danab ah ag nug waappa daatteb ele, ag oh tonattom. Tonatte amu danab ag guittak huanak doona, lemaɗulag emalna daappig.

Aposel 27:20

Deɗ kuɗum ig aam, hoɗoppai ele ii anadmut, ulah okkainab hanhan ig duttunigttom. Anam heehe, ig ihinig dabmakppa, “Geha ig gota aben laappa teta ena daagnig,” laa ii dabmemut. Iitta. “Ig aakku padal mekkunig,” aot amut.

Matyu 27:45

Aria, aam ameg 12ppa gatatu na, wan amu oh tone ukke, tueb aam ameg ewamppa batom.

Amos 5:18

Israel danab ah ag Yawenu deɗ naɗi, ag deɗ amu ameg menan tappaɗidtteb ele, ahilagnu amu gadonnab gadon. Ag aɗinu deɗ amu paha ahilagppa uɗikkunu oolag daye tappaɗidtteb? Deɗ amu geha gatatuib daakku; amahlak laa ii daama.

Joel 2:2

Deɗ amuam deɗ amahlak ele iitta; nug gatatuib daakku. Ao, deɗ amuam deɗ lombig hinqaknab atu oh tona daye, amahlak iitta daatte bia daakku. Deɗ amuppa tap-lokus uɗiglag. Ag ban danab huu okkai naɗi bia uɗin, wan tonatteb, o aamnu amahlak buttuanab ba he, qauko oh amahaltteb, tap-lokus ag amubia hetteb. Anukka keeke amubia laa ii beum, butti aɗi ele baula anambia laa ii bema.

Duteronomi 11:12

Wan amu Yawe, ahilag Kayak, Nug atognotte ele. Nug deɗ deɗ ohppa dabmedette dayeye, maɗ digmakppa ukkeb, maɗ batakppa batak.

Job 3:3

“Deɗ da domi, deɗ amu iitta mekkunu ool daatte. Ao, tuqan laappa, laa nug aha, ‘Nid danab laa doum,’ awa aum amu, tuqan amu ii daamanu ool daatte.

Job 3:5

Menuaknu deɗ dahilnu amu, gatatunab deɗ amuppa daakkunu, lombig deɗ amu tonakkunu, gatatu hinqaknab deɗ amunu amahlak heeb, iitta meeb, amahlak nakok laa deɗ amuppa ii daamanu ool daatte.