Job 3:11 - Nobonob Baibel

¹¹ O gadon, anai menuiɗom, da paha haen amuppanab mauhlom am ena. Ge, anai da menuiɗebeb mauhlom am ena.

Job 3:11 Referans Kwoze

Aisaia 46:3

Amu Yawe Nug atte. “O Jakop buɗub, ag dahil nai doyeg! Ao, ag Israel buɗub ii mauhppig, gemu daatteb ele amu, ag dahil nai doyeg! Nid nug digma, anig ooppa daye, anig atognotte, amubia ag Israel, ag digmena, huu laa daappig, haen amuppan uɗie, gemu ele da ag atognoadmi. Ao, anig nug nid menua, atognotte bia, da ag huu piɗe daaglagnu digmak haenppanu gemu ele, da ag mawattette bekkadttem.

Hosea 9:14

O Yawe, nahipad danab ah dilagnu amu, da ahilagnu aɗi na oɗ medakkul? ⌊Uug naunab nau nid dilagppa bemanu amu,⌋ da ah ag nid ii menuadmananu, huh leppulkad ele iitta daaglagnu, da amunu oɗ medakkul.

Jeremaia 15:10

O anai, na da ii menuiɗlom am ena. Wan imu ohppan danab ah ag dahilnu ena ii doon, ag dahilnu nai hetteb. Da aɗi keeke, ag amu anidna, dahilnu eheɗ dooglag, da amu laa ii hemi, amge danab ah oh ag da eheɗ laa awaknu anak waappa daakkulnu atteb.

Sam 71:6

Na da menuiɗak haenppan digmena ehaniɗme, gemu ele hettem. Yo, na da ehaniɗe, da anil menuiɗom. Da na hanhan binan mekkul.

Sam 58:8

Na heppe, ag am demdem mauhna, wanppa beɗan iitta metteb bia mauhna, iitta mekkulagnu oɗ medattem. Ao, na heppe, nid nakok laa anig ooppa niiaya mauha, nug aam ii anttom bia, ag anam daaglagnu unuqidttem.

Job 3:10

Deɗ da domi, deɗ amuam anam daalonu ool daattenu diig am, deɗ amuam he, da dokkulnu ib keldoak ii daye, deɗ amu ele ii he, da uug digdig kuɗum iikku anidttem.

Job 3:12

Aɗinu anai nug menuiɗa, atognoiɗom? Ao, aɗinu anai nug menuiɗowa, huh meɗe, da ena memi?

Eklisiastis 4:2

Da amu antten, da, “Laa mauhna, moɗppa niitteb ele, ag gamag ahak ele; laa wanppa bau daan, uug maotteb ele amu, ag am gamag ahak iitta,” ami.

Eklisiastis 4:3

Da anam ain, da tuɗitten, “Anam, amge laa nug wanppa ii doum ele, nug am enanag daatte. Nug eheɗ hak oh danab ag aam waappa daan hetteb ele, nug amu oh ii anttom,” ami.

Jeremaia 20:17

Danab amu nug da anai ooppa daaiyi, nug he mauhi, anai nug dahil moɗ dayaya, ii menuiɗa, hanhan anamib oilo am ena, amge danab amu nug anam ii heum amunu, uug digdig amu nuhigppa baɗ!

Eklisiastis 6:3

Danab laa nug haen elabnab wanppa oikkutai, nid 100 menuadkkutai, amge nug bau dayak nuhignu ena dookkunu elele ii daatte dayeb, nug mauheb, ag kobol enappa ii boumkkulag dayeb amu, dahil dabmakppa nid laa anig ooppa mauhe, anig menue dotte, amuam kobol amu eɗidtte; am kobol ena.

Eklisiastis 6:5

Nid amu nug aamnu amahlak nakok laa ii antta, uug, o keeke laa ii anidtte, me nug maɗoɗ anidtte. Danab nug maɗ kuɗumnab wanppa daya, nid kuɗumnab menuadtte, amge wanppa dayak nuhignu ena ii doya oitte ele amu, danab amu nug maɗoɗ ii anidtte.