Job 26:6 - Nobonob Baibel

⁶ Mauhak aben am Kayaknu neekkakppa lokkumak ii daatte. Ao, Kayaknu neekkakppa mauhak aben am miagib daatte.

Job 26:6 Referans Kwoze

Prowerb 15:11

Keeke oh mauhak abenppa daatte amu, Yawe Nug amu genab dootte; amunu Nug danab bau daatteb, Nug genabnab ag aɗi dabmetteb dootte.

Sam 139:8

Da hab attan tekkul dayeb amu, na appa daattem. Ao, da mauhak abenlagppa nokkul amu, na appa ele daattem.

Amos 9:2

Israel danab ag wan buun, wan ooppa, mauhak daattebppa wakkulagtai, amge da ag appanu eɗuen diiadkkul. Ao, Israel danab ah ag habppa tekkulagtai, amge da ag appanu eɗuen diien nekkul.

Job 28:22

Mauhak, amu mauhak aben ele aa danab daaloplob, aa alop. ‘I doyak dabmak ena elenu ulah nai nakokib daunihppa doomuɗ,’ alop.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Aisaia 14:9

⌊O Babilon dilag king,⌋ danab mauhna gona, nami aabppa daatteb amu, ag na ele nug uɗa tekkulagnu ahan, muttub qetteb. Mauhak danab appalag am ⌊danab hette bia haaha⌋, mauhak aɗi ag na humidkkulagnu, nug danab mauhppig dottolkad maɗatte, na anidkkulagnu aakku daatteb. Ameg amu, haen ag wanppa bau daanna, ag wanppan danab okkai daappig. Ge, mauhak danab appalag ⌊danab hette bia haaha⌋, danab mauhppig dottolkad, ahilag sia kingppanu ahaglagnu maɗatte, ag na anidkkulagnu aakku daatteb. Ameg amu ag anukka ii mauhppig daanna, ag wanppan king daappig.

Sam 139:11

Am da gatatu appi lokkumiɗlotai. Ao, da amahlak taliliɗak daatte amu, da appi, gatatu mailotai.

Sam 88:10

Na kobol danab hekkunu elele iitta, na amuppa laa mauhppig ele ehanadkkutnu hettemte? Ao, mauhppig ele ag ahan, na binan mettebte? Sila.

Job 41:11

Auntai laa nug da keeke meɗom amunu, da eɗue, amunu nob nug medakkulnu daatte? Laa iitta; keeke oh hab waappa daatte amu, keeke amu oh am dahilib.

Job 11:8

Doyak Kayaknu amuam keeke laa hab eɗitta ta ukkak bia; na attem hena dookkut? Ge, doyak Kayaknu amuam bodok iitta, keeke Nami aab eɗitta noak bia; na attem hena dookkut?

Revelesen 9:11

Ag ahilag king ele, nug ag gumadtte. Nug am moɗ oɗe noa ukka batak iitta ele, amunu okkai. Hibru naippa amu nug onig am Abadon. Grik naippa amu nug onig am Apolion.

Job 3:13

Da amu madittemnu diig am, anai nug anam ii helo amu, gemu da moɗppa maɗoɗ ele daalom. Ge, da moɗppa niieye, hik awen daalom.

Job 9:5

Kayak Nug he, qauko ag pahanab ahan, laih gotteb; Nug oo nauhe he, qauko ag nena qena ikkilag wan yaatte.

Job 31:12

Laa amu, danab kobol nau amu hette ele amu, nuhig bu am nug nauha auta autanab awa, padal mette. Amu da hipunin amu helom, da nauhe aute autenab awen, padal melom; dahil ee oh amu, laa ag hiɗalob.

Job 38:17

Laa nug omaitta ukka, mauhak abennu od ippunittomte? Ao, na mauhak aben, aben amuam lokko ele, na aben amunu od anidmete?

Prowerb 27:20

Mauhak am danab daalo, padal mak ele danab daalo, aɗit amuam baubau danab ah diilopnu doolop; amubia, danab ag keeke baubau aoglagnu oolag hette.

Daniel 2:22

Nug keeke unuqagnab daatte, keeke lokkumak daatte, Nug keeke amu he, miag atitte. Nug aɗi keeke gatatuppa daatte am dootte. Nuhig dayak abenppa amu, appa ele amahlak Nug ele daattep.