Job 26:12 - Nobonob Baibel

¹² Kayak Nug nuhig ɠagattag okkainab eleppa he, yu manin niiom. Ao, Nug nuhig doyak dabmak ena okkai eleppa yuppan doɗ naɗinab Rahap, Nug doɗ amu eɗitta okkule, beɗu huppu naunau neum.

Job 26:12 Referans Kwoze

Aisaia 51:15

Da am Yawe, da am ahilag Kayak. Da hei, yu eheɗnab koɗkoɗ qette,” awa atte. ⌊Laa anam maditte amu,⌋ Nug onig am Yawe Nukka Ɠagattag Oh Ele.

Jeremaia 31:35

Amu Yawe Nug he, aam amunppa amahaltte, Nug a, kalam, hoɗopai ele tuqan amahaltteb. Nug he, yu duban qe, oqotti huana otte. Nug onig am Yawe Nukka Ɠagattag Oh Ele, amu Nug atte.

Aisaia 51:9

O Yawe, na ahan, nahip ɠagattag amuppa ehanigkkutnu oɗ medattem! Na anukka, haen laappa ehanigme, amubia ehanigkkutnu oɗ medattem! Na Rahap iite eɗidna, tuqae neum? Yo, na doɗ okkai nau ele amu iite qeme?

Job 12:13

Amge doyak dabmak ena elenu diig, ɠagattagnu diig ele am Kayak eppegppa daattep. Ao, ulum mettak nai, diignu doyak tutukku ele am nuhigppaib daattep.

Job 9:13

Kayak Nug he, nuhig oo nauhak bodo-ii-ettom daatte. Ao, yuppan doɗ nau onig Rahap, nuhikkud ehanittak, ag Kayak baeg waappa hahaɗnan daappig.

Jems 4:6

Anam daatte amunu, Kayak Nug ehanittak okkai hamu mettak, Nug amu megatte. Diig amunu Kayak naippa, nai inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Daniel 4:37

Am gemu amu, da Nebukatnesar, da hab attannu King, Kayak, Nug aɗi hette amu, Nug tutukkuib haaha, Nug nai doya mala hettoɗia epeɗia elele mettak kobol ele dim lamitta hette amunu, da Nug binag okkai, onig okkai ele medattem. Laa ag dada danab daan oitteb ele, Nug heeb, ag onilag iitta daaglagnu elele.” Nebukatnesar nug anam aum.

Aisaia 2:12

Yawe Nukka Ɠagattag Oh Ele, Nug haen tituanom daatte, amu haen amuppa Nug epeɗiak uɗat okkai hekku. Nug epeɗiak haaha, dada danab ah onilag qeeb nekku. Haen amuam Dada danab ah oh dilag epeɗiaknu haen, Am keeke ⌊hamu⌋ oh, danab ah ag amunu enanag doon, gamalag ahatte ele epeɗiaknu haen ele.

Sam 74:13

Na nahip ɠagattagppa he, yu laih laih dayom. Na nahip ɠagattagppa na yuppan doɗ okkai nau ele ikkilkad oɗoɗatte aoɗppig.

Sam 29:10

Yawe Nug yu okkai gumatte. Ao, Nug king okkai hanhannu daatte.

Job 26:11

Kayak Nug nai heehe, hab ukku uɗaltteb.